ഉത്തർപ്രദേശിൽ ബി.ജെ.പി പ്രവർത്തകനെ വെടിവച്ചു കൊന്നു

ഉത്തർപ്രദേശിൽ ബി.ജെ.പി പ്രവർത്തകനെ വെടിവച്ച് കൊന്നു. അസംഘട്ടിലെ ഗോസായ്ഗഞ്ച് ബസാറിലാണ് സംഭവം. ബി.ജെ.പി. പ്രവർത്തകനായ ദിലീപ് ഗിരി(42)യാണ് കൊല്ലപ്പെട്ടത്.

ബൈക്കിലെത്തിയ മൂന്നം​ഗ സംഘമാണ് ആക്രമിച്ചത്. വ്യാപാര സ്ഥാപനത്തിന് പുറത്തു നിൽക്കുകയായിരുന്ന ദിലീപ് ​ഗിരിക്ക് നേരെ അക്രമി സംഘം വെടിയുതിർത്തുകയായിരുന്നു. കൃത്യം നടത്തിയ ശേഷം അക്രമികൾ ബൈക്കിൽ രക്ഷപ്പെട്ടു.

മുൻവൈരാഗ്യമാണ് കൊലപാതകത്തിന് കാരണമെന്നാണ് പൊലീസ് പറയുന്നത്. പ്രതികൾക്കായി തിരച്ചിൽ തുടരുകയാണെന്നും അന്വേഷണം പുരോഗമിക്കുകയാണെന്നും പൊലീസ് അറിയിച്ചു.

Story Highlights – bjp leader shot dead in up