കർഷക സമരത്തിന് ഐക്യ​ദാർഢ്യം പ്രഖ്യാപിച്ച് സിഖ് പുരോഹിതൻ സ്വയം വെടിയുതിർത്ത് മരിച്ചു

കാർഷിക നിയമങ്ങൾക്കെതിരായ കർഷക സമരത്തിന് ഐക്യദാർഢ്യം പ്രഖ്യാപിച്ച് സിഖ് പുരോഹിതൻ സ്വയം വെടിയുതിർത്ത് മരിച്ചു. ഹ​രി​യാ​ന ഗു​രു​ദ്വാ​ര​യി​ലെ സി​ഖ്​ പു​രോ​ഹി​ത​ൻ ബാബ രാം സിം​ഗാ(65)ണ് മരിച്ചത്.

കർഷകർക്ക് ഐക്യദാർഢ്യം പ്രഖ്യാപിച്ച് ഇന്നലെയാണ് ഇദ്ദേഹം സിം​ഗു അതിർത്തിയിലെത്തിയത്. തുടർന്ന് കർഷകർക്കൊപ്പം അദ്ദേഹം ചെലവഴിച്ചു. കർഷകർക്ക് പിന്തുണ അറിയിച്ച് ഇന്ന് ഉച്ചയോടെയാണ് അദ്ദേഹം സ്വയം വെടിയുതിർത്തത്. ഉടൻ തന്നെ അദ്ദേഹത്തെ
പാ​നി​പ്പ​ത്തി​ലെ പാ​ർ​ക്ക്​ ഹോ​സ്​​പി​റ്റ​ലി​ലെ​ത്തി​ച്ചെ​ങ്കി​ലും മ​രി​ച്ചി​രു​ന്നു​.

ബാബ രാം സിം​ഗിന്റെ ആത്മഹത്യാ കുറിപ്പ് കണ്ടെത്തി. അ​വ​കാ​ശ​ങ്ങ​ൾ​ക്കാ​യി ​പൊ​രു​തു​ന്ന ക​ർ​ഷ​ക​ർ ത​ന്നെ വേ​ദ​നി​പ്പി​ക്കു​ക​യാ​ണെന്ന് ബാബ രാം സിം​ഗ് ആത്മഹത്യാ കുറിപ്പിലെഴുതി. സ​ർ​ക്കാ​ർ അ​വ​രോ​ട്​ നീ​തി​പുലർത്താത്തതിൽ അ​വ​രു​ടെ വേ​ദ​ന താനും പ​ങ്കു​വക്കു​ക​യാ​ണ്. അ​നീ​തി ചെ​യ്യു​ന്ന​ത്​ പാ​പ​മാ​ണ്. ക​ർ​ഷ​ക​രെ പി​ന്തു​ണ​ക്കാ​ൻ പ​ല​രും അ​വ​രു​ടെ അ​വാ​ർ​ഡു​ക​ൾ സ​ർ​ക്കാ​റി​ന്​ ന​ൽ​കി. താൻ സ്വയം ജീവൻ ത്യജിക്കുകയാണെന്നും അദ്ദേഹം കുറിച്ചു.