തെരഞ്ഞെടുപ്പിൽ തിരിച്ചടി നേരിട്ടെന്ന വാദം തെറ്റ്; കേരള കോൺ​ഗ്രസ് ശക്തി കേന്ദ്രങ്ങളിൽ ചെണ്ട വിജയിച്ചെന്ന് പി. ജെ ജോസഫ്

കേരള കോൺ​ഗ്രസ് ജോസഫ് വിഭാഗത്തിന് തെരെഞ്ഞെടുപ്പിൽ തിരിച്ചടി നേരിട്ടെന്ന വാദം തെറ്റെന്ന് പി. ജെ ജോസഫ്. ഇടുക്കിയിലും പത്തനംതിട്ടയിലുമടക്കം കഴിഞ്ഞ നിലയിലതിനേക്കാൾ മികച്ച വിജയം നേടാനായെന്ന് ജോസഫ് പറഞ്ഞു.

കേരള കോൺ​ഗ്രസ് ശക്തി കേന്ദ്രങ്ങളിലെല്ലാം ചെണ്ട വിജയിച്ചു. ചെണ്ട തന്നെ ചിഹ്നമാക്കിയാലോ എന്ന് ആലോചനയുണ്ട്. രണ്ടില പരാജയപ്പെട്ട ചിഹ്നമാണ്. അത് ജോസ് കെ മാണി കൊണ്ടുപോകട്ടെയെന്നും പി. ജെ ജോസഫ് കോട്ടയത്ത് പറഞ്ഞു.

ജോസ്​ കെ. മാണിയുടെ കരുത്തിൽ പാലാ നഗരസഭയിൽ എൽ.ഡി.എഫ്​ അധികാരത്തിലെത്തി​യിരുന്നു. ചരിത്രത്തിലാദ്യമായാണ്​ പാലാ നഗരസഭ എൽ.ഡി.എഫ്​ ഭരിക്കുന്നത്​.