യുഎഇയില്‍ 1,311 പേര്‍ക്ക് കൂടി കൊവിഡ്

യുഎഇയില്‍ വ്യാഴാഴ്ച 1,311 പേര്‍ക്ക് കൂടി കൊവിഡ് സ്ഥിരീകരിച്ചു. ഇതോടെ രാജ്യത്ത് ആകെ കൊവിഡ് കേസുകളുടെ എണ്ണം 1,98,435 ആയി. രാജ്യത്ത് കഴിഞ്ഞ 24 മണിക്കൂറിനിടെ രണ്ട് കൊവിഡ് മരണങ്ങളാണ് സ്ഥിരീകരിച്ചത്. 647 പേരാണ് ആകെ മരണപ്പെട്ടത്.

1,495 പേരാണ് രോഗമുക്തി നേടിയത്. 1,74,479 പേരാണ് ആകെ രാഗമുക്തരായത്. 23,309 പേരാണ് നിലവില്‍ രാജ്യത്ത് കൊവിഡ് ബാധിച്ച് ചികിത്സയില്‍ തുടരുന്നത്. കഴിഞ്ഞ 24 മണിക്കൂറിനിടെ യുഎഇയില്‍ 138,914 കൊവിഡ് പരിശോധനകള്‍ നടത്തി. ഇതുവരെ 1.98 കോടി കൊവിഡ് പരിശോധനകളാണ് നടത്തിയിട്ടുള്ളത്.