പാക് വനിത ഉത്തര് പ്രദേശില് പഞ്ചായത്ത് അധ്യക്ഷയായി; അന്വേഷണം
പാകിസ്താനില് നിന്നുള്ള വനിത ഉത്തര്പ്രദേശിലെ ഇറ്റാവയില് ഗ്രാമപഞ്ചായത്തിന്റെ ഇടക്കാല അധ്യക്ഷ പദവിയിലെത്തിയ സംഭവത്തില് അധികൃതര് അന്വേഷണത്തിന് ഉത്തരവിട്ടു. കറാച്ചി സ്വദേശിനിയായ ബാനൂ ബീഗമാണ് പഞ്ചായത്തിന്റെ ഇടക്കാല അധ്യക്ഷ പദവിയില് എത്തിയത്.
ഇറ്റാവ ജില്ലക്കാരനായ ഒരാളെ വിവാഹം കഴിഞ്ഞ് 40 വര്ഷമായി അവിടെ താമസിക്കുകയാണ് ഇവര്. പാക് പൗരയാണെന്ന് വ്യക്തമായതോടെ ബാനൂ ബീഗത്തെ ഗ്രാം പ്രഥാന് പദവിയില് നിന്ന് നീക്കിയതായും സംഭവത്തില് അന്വേഷണം തുടങ്ങിയതായും ഇറ്റാവ ജില്ലാ ഗ്രാമപഞ്ചായത്തിരാജ് ഓഫീസര് അലോക് പ്രിയദര്ശി പറഞ്ഞു.
ഇവര്ക്ക് എതിരെ കേസെടുക്കാന് പൊലീസിനോടും അധികൃതര് ആവശ്യപ്പെട്ടിട്ടുണ്ട്. പാക് വനിതയ്ക്ക് പഞ്ചായത്ത് തെരഞ്ഞെടുപ്പില് മത്സരിക്കാനും പിന്നീട് ഇടക്കാല അധ്യക്ഷയാകാനും കഴിയുന്ന തരത്തില് ആധാറും മറ്റ് രേഖകളും എങ്ങനെ ലഭിച്ചു എന്നതിനെപ്പറ്റി അന്വേഷണം നടത്താന് ജില്ലാ മജിസ്ട്രേറ്റ് ഉത്തരവിട്ടിട്ടുണ്ട്.
Story Highlights – panchayat, utharpradesh
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here