കാർഷിക നിയമങ്ങൾക്കെതിരെ അണ്ണാ ഹസാരെ പ്രഖ്യാപിച്ച നിരാഹാര സമരം പിൻവലിച്ചു

കാർഷിക നിയമങ്ങൾക്കെതിരെ സാമൂഹിക പ്രവർത്തകൻ അണ്ണാ ഹസാരെ പ്രഖ്യാപിച്ച നിരാഹാര സമരം പിൻവലിച്ചു. നാളെ മുതൽ അനിശ്ചിതകാല നിരാഹാര സമരം ആരംഭിക്കുമെന്നാണ് അണ്ണാ ഹസാരെ അറിയിച്ചത്. ബി.ജെ.പി നേതാക്കളുടെ ഇടപെടലിനെത്തുടർന്നാണ്​ പിന്മാ​റ്റമെന്ന്​ ആരോപണമുയരുന്നുണ്ട്.

കർഷകർക്ക്​ വേണ്ടിയുള്ള തന്‍റെ നിർദേശങ്ങൾ കേന്ദ്രം തള്ളിയതിനെ തുടർന്നാണ്​ നിരാഹാര സമരത്തിനിറങ്ങുന്നതെന്ന്​ ഹസാരെ ഇന്ന്​ രാവിലെ പ്രതികരിച്ചിരുന്നു. കഴിഞ്ഞ നാല് വര്‍ഷമായി കര്‍ഷകരുടെ പ്രധാന ആവശ്യങ്ങള്‍ക്ക് വേണ്ടി സമരം ചെയ്യുകയാണെന്നും കർഷകരുടെ വിഷയത്തിൽ സർക്കാർ ശരിയായ തീരുമാനമെടുക്കുന്നില്ലെന്നും ഹസാരെ പറഞ്ഞിരുന്നു.