പിന്‍വാതില്‍ നിയമനം; മന്ത്രി ഇ പി ജയരാജന് എതിരെ മുല്ലപ്പള്ളി രാമചന്ദ്രന്‍

പിന്‍വാതില്‍ നിയമനത്തില്‍ മന്ത്രി ഇ പി ജയരാജന് എതിരെ കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍. ഇ പി ജയരാജന്‍ ആണ് സ്വന്തം ബന്ധുവിനെ ആദ്യം നിയമിച്ചത്. അതിനാല്‍ അദ്ദേഹത്തിന് സാധാരണക്കാരുടെ വേദന മനസിലാകില്ല. ഫ്യൂഡല്‍ രാജാവിനെ പോലെയാണ് ഇ പി ജയരാജന്‍ പെരുമാറുന്നതെന്നും മുല്ലപ്പള്ളി പറഞ്ഞു.

Read Also : മുല്ലപ്പള്ളി രാമചന്ദ്രന്‍ മത്സരിക്കാനില്ല; കല്‍പറ്റ മണ്ഡലത്തില്‍ ക്രൈസ്തവ വിഭാഗത്തില്‍ നിന്നുള്ള സ്ഥാനാര്‍ത്ഥി വേണമെന്ന് സഭാ നേതൃത്വം

ശബരിമല വിഷയത്തിലെ പുതിയ നിലപാട് സിപിഐഎമ്മിന്റെ അടവ് തന്ത്രമെന്ന് മുല്ലപ്പള്ളി രാമചന്ദ്രന്‍ ആരോപിച്ചു. ശബരിമലയിലെ പുതിയ സത്യവാങ്മൂലത്തില്‍ എന്താണെന്ന് സിപിഐഎം വ്യക്തമാക്കണം. ശബരിമല വിഷയത്തില്‍ യുഡിഎഫ് നിയമ നിര്‍മാണം നടത്തും. യുഡിഎഫ് ശബരിമലയെ വോട്ട് ബാങ്ക് ആയി കണ്ടിട്ടില്ലെന്നും മുല്ലപ്പള്ളി പറഞ്ഞു.