‘തീരുമാനമെടുത്തത് ബിജെപി നേതൃത്വമാണോ ?’ തെര.കമ്മീഷനെതിരെ മമതാ ബാനർജി

പശ്ചിമ ബംഗാൾ തെരഞ്ഞെടുപ്പ് എട്ട് ഘട്ടമായി നടത്താൻ തീരുമാനിച്ച തെരഞ്ഞെടുപ്പ് കമ്മീഷനെതിരെ മുഖ്യമന്ത്രി മമതാ ബാനർജി.

തെരഞ്ഞെടുപ്പ് കമ്മീഷൻ തീരുമാനത്തെ താൻ ബഹുമാനിക്കുന്നു, പക്ഷേ എന്തിനാണ് ജില്ലകൾ വിഭജിച്ചതെന്ന് മമതാ ബാനർജി ചോദിച്ചു. തൃണമൂൽ കോൺഗ്രസിന്റെ ശക്തി കേന്ദ്രമായ സൗത്ത് 24 പർഗനാസിൽ മൂന്ന് ഘട്ടമായാണ് തെരഞ്ഞെടുപ്പ് നടക്കുക. മോദിയുടേയും അമിത് ഷായുടേയും സൗകര്യാർത്ഥമാണോ ഇതെന്നാണ് മമതയുടെ ചോദ്യം.

പശ്ചിമ ബംഗാളിനെ സ്വന്തം സംസ്ഥാനമായി കാണണമെന്നും ബിജെപിയുടെ കണ്ണിലൂടെ കാണരുതെന്നും മമതാ ബാനർജി കൂട്ടിച്ചേർത്തു.