പുത്തൻവേലിക്കര മോളി വധക്കേസ് : പ്രതിക്ക് വധശിക്ഷ

പുത്തൻവേലിക്കര മോളി വധക്കേസ് പ്രതിക്ക് വധശിക്ഷ. അസം സ്വദേശി പരിമൾ സാഹുവിന് പറവൂർ സെഷൻസ് കോടതി വധശിക്ഷ വിധിച്ചു. വീട്ടമ്മയെ ബലാത്സംഗം ചെയ്ത് കൊലപ്പെടുത്തിയ കേസിലാണ് വിധി.

മൂന്ന് വർഷം മുമ്പാണ് കേസിനാസ്പദമായ സംഭവം നടന്നത്. 2018 മാർച്ച് 18ന് പ്രതി വീട്ടമ്മയെ ബലാത്സംഗം ചെയ്ത് കൊലപ്പെടുത്തുകയായിരുന്നു. ഓരോ കുറ്റത്തിനും പ്രതിക്ക്് കോടതി പ്രത്യേകം ശിക്ഷ വിധിച്ചു.

376 (എ) ബലാത്സംഗക്കുറ്റത്തിന് വധശിക്ഷയും, 302 കൊലപാതകത്തിന് ജീവപര്യന്തവും കോടതി വിധിച്ചു. വീട് അതിക്രമിച്ച് കടന്നതിന് മൂന്ന് വർഷം തടവും, രണ്ട് ലക്ഷത്തി ഇരുപതിനായിരം രൂപ പിഴയും വിധിച്ചു.