16
Oct 2021
Saturday
Covid Updates

    ലോകത്ത് ഏറ്റവും സന്തോഷം നിറഞ്ഞ രാജ്യം ഫിൻലാൻഡ്; ഇന്ത്യ ഏറെ പിന്നിൽ

    Finland happiest country happiness index

    യുഎൻ സസ്‌റ്റൈനബിൾ ഡവലപ്പ്‌മെൻറ് സൊലൂഷൻസ് നെറ്റ്വർക്കിന്റെ ഈ വർഷത്തെ വേൾഡ് ഹാപ്പിനസ് റിപോർട്ട് പ്രകാരം ലോകത്ത് ഏറ്റവും സന്തോഷം നിറഞ്ഞ രാജ്യം ഫിൻലാൻഡ്.
    ലോക സന്തോഷ ദിനത്തോടനുബന്ധിച്ചാണ് യുഎൻ റിപോർട്ട് പുറത്തു വിട്ടത്. തുടർച്ചയായ നാലാം വർഷമാണ് ഫിൻലാൻഡ് ഒന്നാം സ്ഥാനത്ത് എത്തുന്നത്. ആദ്യത്തെ 10 രാജ്യങ്ങളിൽ ഒൻപതും യൂറോപ്പിലാണ്. ആഗോള തലത്തിൽ ഡെൻമാർക്ക് ആണ് രണ്ടാം സ്ഥാനത്ത്. സ്വിറ്റ്‌സർലാണ്ട്, ഐസ്ലാൻഡ്, നെതർലണ്ട്, നോർവെ, സ്വീഡൻ, ലക്‌സംബർഗ്, ഓസ്ട്രിയ, ന്യൂസിലാണ്ട് എന്നീ രാജ്യങ്ങളാണ് ആദ്യ പത്തിൽ ഉൾപ്പെട്ട മറ്റ് രാജ്യങ്ങൾ. അമേരിക്ക 14-ാം സ്ഥാനത്തും, ഇംഗ്ലണ്ട് 18-ാം സ്ഥാനത്തും ചൈന 19-ാം സ്ഥാനത്തുമാണ്.

    അറബ് ലോകത്ത് ഏറ്റവും സന്തോഷം നിറഞ്ഞ രാജ്യങ്ങളുടെ പട്ടികയിൽ സൗദി അറേബ്യയാണ് ഒന്നാം സ്ഥാനത്ത്. യുഎഇയാണ് രണ്ടാം സ്ഥാനത്ത്. ആഗോള തലത്തിൽ സൗദി 21-ാം സ്ഥാനത്തും യുഎഇ 27-ാം സ്ഥാനത്തുമാണ്. ആഗോള തലത്തിൽ 35-ാം സ്ഥാനത്തുള്ള ബഹ്‌റൈൻ ആണ് അറബ് ലോകത്ത് മൂന്നാം സ്ഥാനത്ത്.

    അഫ്ഗാനിസ്ഥാൻ, സിംബാവേ, റുവാണ്ട തുടങ്ങിയ രാജ്യങ്ങൾ പട്ടികയിൽ അവസാനമാണ് ഉള്ളത്. റിപോർട്ട് പ്രകാരം 149 രാജ്യങ്ങളിൽ 139-ാം സ്ഥാനത്താണ് ഇന്ത്യ ഉള്ളത്.

    Story Highlights- happiness index, finland

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top