23
Jun 2021
Wednesday

മറാത്ത സംവരണക്കേസ് വിധി പുനഃപരിശോധിക്കണമെന്ന് കേന്ദ്രം

review Maratha reservation verdict

സാമൂഹികമായി പിന്നോക്കം നിൽക്കുന്ന വിഭാഗങ്ങളെ തീരുമാനിക്കാനുള്ള അധികാരം രാഷ്ട്രപതിക്ക് മാത്രമാണെന്ന മറാത്ത സംവരണക്കേസിലെ വിധി പുനഃപരിശോധിക്കണമെന്ന് കേന്ദ്രസർക്കാർ സുപ്രിംകോടതിയിൽ. ഭരണഘടനയുടെ 102ആം ഭേദഗതി വ്യാഖ്യാനിച്ചത് പുനഃപരിശോധിക്കണമെന്നാണ് ആവശ്യം. സംസ്ഥാനങ്ങൾക്ക് അവരുടെ സ്വന്തം പട്ടിക തയാറാക്കാനുള്ള അധികാരം പുനഃസ്ഥാപിക്കണം. മറാത്ത സംവരണ വിധി സ്റ്റേ ചെയ്യണമെന്നും, തുറന്ന കോടതിയിൽ വാദം കേൾക്കണമെന്നും പുനഃപരിശോധനാ ഹർജിയിൽ കേന്ദ്രം ആവശ്യപ്പെട്ടു.

മറാത്ത സംവരണം ഏർപ്പെടുത്തിയ മഹാരാഷ്ട്രാ സർക്കാരിന്റെ നടപടി മെയ് അഞ്ചിനാണ് സുപ്രിംകോടതി റദ്ദാക്കിയത്. വിദ്യാഭ്യാസത്തിനും ജോലിക്കുമാണ് സംവരണം ഏർപ്പെടുത്തിയിരുന്നത്. ഇന്ദിര സാഹ്നി കേസിലെ വിധി പുനഃപരിശോധിക്കില്ല. സംവരണം 50 ശതമാനം കടന്നത് ഭരണഘടനാ ലംഘനമെന്നും കോടതി.

ജസ്റ്റിസ് അശോക് ഭൂഷൺ അധ്യക്ഷനായ അഞ്ചംഗ ഭരണഘടനാ ബെഞ്ചാണ് നിലപാട് വ്യക്തമാക്കിയത്. സംവരണം 50 ശതമാനത്തിൽ കൂടുതലാകാമെന്നും മണ്ഡൽ കമ്മീഷൻ വിധി പുനഃപരിശോധിക്കണമെന്നും കേരളം നിലപാട് അറിയിച്ചിരുന്നു. ജസ്റ്റിസുമാരായ അശോക് ഭൂഷൺ, എൽ. നാഗേശ്വര റാവു, എസ്. അബ്ദുൽ നസീർ, ഹേമന്ദ് ഗുപ്ത, എസ്. രവീന്ദ്ര ഭട്ട് എന്നിവരടങ്ങിയ ബെഞ്ചാണ് കേസിൽ വിധി പറഞ്ഞത്.

കേരളം, കർണാടക, മഹാരാഷ്ട്ര തുടങ്ങിയ സംസ്ഥാനങ്ങൾ സംവരണം അൻപത് ശതമാനം കടക്കാമെന്ന നിലപാട് കോടതിയിൽ സ്വീകരിച്ചിരുന്നു. സംവരണ വിഷയത്തിൽ തീരുമാനമെടുക്കാനുള്ള അധികാരം സംസ്ഥാന സർക്കാരിന് തന്നെയാകണമെന്നും കേരളം നിലപാട് അറിയിച്ചു. എന്നാൽ, സംവരണ കാര്യത്തിൽ തീരുമാനമെടുക്കാനുള്ള അധികാരം തങ്ങൾക്കാണെന്നാണ് കേന്ദ്ര സർക്കാരിന്റെ നിലപാട്.

Story Highlights: Center seeks review of Maratha reservation case verdict

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top