സിപിഐ മന്ത്രിമാരുടെ വകുപ്പുകളിൽ ഏകദേശ ധാരണയായി

സിപിഐ മന്ത്രിമാരുടെ വകുപ്പുകളിൽ ഏകദേശ ധാരണയായി. കെ രാജന് റവന്യു വകുപ്പ് ലഭിച്ചേക്കുമെന്നാണ് റിപ്പോർട്ട്. പി പ്രസാദിന് കൃഷി വകുപ്പ് പരിഗണനയിൽ.
ജി ആർ അനിൽ ഭക്ഷ്യമന്ത്രി ആയേക്കും. വനം വകുപ്പ് വിട്ട് നൽകിയാൽ പകരം ലഭിക്കുന്നത് ജെ ചിഞ്ചുറാണിക്കായിരിക്കും.

ഇത്തവണത്തെ പിണറായി മന്ത്രിസഭയിൽ സി.പി.ഐയുടെ നാലു മന്ത്രിമാരും പുതുമുഖങ്ങളാണ്. ഒരു ടേം വ്യവസ്ഥ നടപ്പാക്കിയതിനാല്‍ ഇ.ചന്ദ്രശേഖരനെ ഒഴിവാക്കി.

സംഘടനാതലത്തില്‍ പ്രവര്‍ത്തന പരിചയവും അനുഭവസമ്പത്തുമുള്ള പി.പ്രസാദ്, കെ.രാജന്‍, ചിഞ്ചു റാണി, ജി.ആര്‍.അനില്‍ എന്നിവരാണ് മന്ത്രിമാര്‍. പിളര്‍പ്പിനുശേഷം ഇതാദ്യമായാണ് സി.പി.ഐ ഒരു വനിതയെ മന്ത്രിയാക്കുന്നത്. അടൂരില്‍ നിന്നുള്ള ചിറ്റയം ഗോപകുമാറാര്‍ ഡെപ്യൂട്ടി സ്പീക്കറാകും. ഇ.ചന്ദ്രശേഖരന്‍ നിയമസഭാ കക്ഷി നേതാവും പി.എസ്.സുപാല്‍ നിയമസഭാ കക്ഷി സെക്രട്ടറിയുമാകും. ഇ.കെ.വിജയനാണ് പാര്‍ട്ടിയുടെ വിപ്പ്.

Story Highlights: cpi