20
Jun 2021
Sunday

വനം വകുപ്പിന് പകരം വകുപ്പ് ആവശ്യപ്പെടില്ലെന്ന് സിപിഐ

pinarayi vijyan kanam rajendhran

വിട്ടുനല്‍കിയ വനം വകുപ്പിന് പകരം വകുപ്പ് ആവശ്യപ്പെടില്ലെന്ന് സിപിഐ. നേതൃത്വം ഇക്കാര്യം സിപിഐഎമ്മിനെ അറിയിച്ചു. വനം വകുപ്പ് എല്‍ഡിഎഫ് എന്‍സിപിക്കാണ് നല്‍കിയത്. അതേസമയം സുപ്രധാനമായ വൈദ്യുതി വകുപ്പ് സിപിഐഎം ജെഡിഎസിന് നേരത്തെ വിട്ടുനല്‍കിയിരുന്നു. ഈ സാഹചര്യത്തില്‍ പിടിവാശി വേണ്ടെന്നാണ് സിപിഐ നേതൃത്വത്തിന്റെ നിലപാട്.

ടൂറിസം, നിയമം, പരിസ്ഥിതി എന്നീ വകുപ്പുകള്‍ നേരത്തെ സിപിഐയുടെ കൈയിലായിരുന്നു. എന്നാല്‍ ഈ വകുപ്പുകള്‍ തിരിച്ചെടുത്ത് 2006ല്‍ സിപിഐയ്ക്ക് വനം വകുപ്പ് നല്‍കി. എന്നാല്‍ വനം വകുപ്പ് തിരിച്ചെടുത്തപ്പോള്‍ നേരത്തെ കൈവശം വച്ചിരുന്ന വകുപ്പുകള്‍ തിരികെ ലഭിക്കണമെന്നായിരുന്നു സിപിഐയുടെ ആദ്യത്തെ ആവശ്യം. ഈ ആവശ്യത്തില്‍ നിന്നാണ് സിപിഐ ഇപ്പോള്‍ പിന്മാറിയത്. ഇതോടെ മന്ത്രിമാരുടെ വകുപ്പുകള്‍ തീരുമാനിക്കുന്നത് എല്‍ഡിഎഫ് നേതൃത്വത്തെ സംബന്ധിച്ച് സുഗമമായിരിക്കുകയാണ്.

Story Highlights: cpi, pinarayi ministry

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top