ഗായകൻ അർജിത് സിംഗിന്റെ മാതാവ് അന്തരിച്ചു

ഗായകൻ അർജിത് സിംഗിൻ്റെ മാതാവ് അദിതി സിംഗ് അന്തരിച്ചു. 52 വയസ്സായിരുന്നു. ഇന്നലെ രാത്രി പതിനൊന്ന് മണിയോടെയായിരുന്നു മരണം. മസ്തിഷ്കാഘാതത്തെ തുടർന്നാണ് മരണം. തിങ്കളാഴ്ചയാണ് അവർ കൊവിഡിൽ നിന്ന് മുക്തയായത്. കൊവിഡ് നെഗറ്റീവായിട്ടും ആരോഗ്യപ്രശ്നങ്ങൾ അലട്ടിയിരുന്ന അവർ ആശുപത്രിയിൽ തന്നെ ചികിത്സയിലായിരുന്നു.

ഫെയിം ഗുരുകുൽ, 10 കേ 10 ലെ ഗയെ ദിൽ എന്നീ റിയാലിറ്റി ഷോകളിലൂടെയാണ് അർജിത് സിംഗ് സിനിമാ സംഗീത ലോകത്തേക്ക് എത്തിയത്. ഹിന്ദി കൂടാതെ ഗുജറാത്തി, തമിഴ്, തെലുഗ്, മറാത്തി, അസ്സാമി, കന്നഡ എന്നി ഭാഷകളിലും അദ്ദേഹം പാടിയിട്ടുണ്ട്.

Story Highlights: Singer Arijit Singh’s Mother Dies