യുഎഇയിൽ ജൂൺ മാസത്തേക്കുള്ള ഇന്ധനവില പ്രഖ്യാപിച്ചു

യുഎഇയിൽ ജൂൺ മാസത്തേക്കുള്ള ഇന്ധന വില ഫ്യുവൽ പ്രൈസ് കമ്മിറ്റി പ്രഖ്യാപിച്ചു. മേയ് മാസത്തെ അപേക്ഷിച്ച് പെട്രോളിനും ഡീസലിനും ജൂണിൽ വില വർദ്ധിപ്പിച്ചിട്ടുണ്ട്.

സൂപ്പർ 98 പെട്രോളിന് നേരത്തെ 2.30 ദിർഹമായിരുന്നത് ജൂണിൽ 2.38 ദിർഹമായിരിക്കും. സ്‌പെഷ്യൽ 95 പെട്രോളിന് 2.27 ദിർഹമായിരിക്കും ജൂണിലെ വില. നിലവിൽ ഇത് 2.18 ദിർഹമാണ്.

ഇ-പ്ലസിന് 2.11 ദിർഹത്തിൽ നിന്ന് 2.19 ദിർഹമാക്കി വില വർദ്ധിപ്പിച്ചിട്ടുണ്ട്. ഡീസൽ വിലയിൽ 13 ഫിൽസിന്റെ വർദ്ധനവാണുള്ളത്. നേരത്തെ 2.17 ദിർഹമായിരുന്ന ഡീസൽ വില ജൂണിൽ 2.30 ദിർഹമായിരിക്കും.