കൊച്ചി വാട്ടർ മെട്രോ; കെ‌എം‌ആർ‌എൽ സർക്കാരുമായി ധാരണാപത്രം ഒപ്പിട്ടു

കൊച്ചി വാട്ടർ മെട്രോക്കായി കെ‌എം‌ആർ‌എൽ സർക്കാരുമായി ധാരണാപത്രം ഒപ്പിട്ടു. സർക്കാരിന്റെയും കെ എം ആർ എല്ലിന്റെയും സംയുക്ത സംരംഭമായിട്ടായിരിക്കും വാട്ടർ മെട്രോ പ്രവർത്തിക്കുക. വാട്ടർ മെട്രോ കമ്പനിയിൽ സർക്കാരിന് 74% ഓഹരിയും കെ‌എം‌ആർ‌എലിന് 26% ഓഹരിയുമാണുള്ളത്.

വാട്ടർ മെട്രോ ഗതാഗത സംവിധാനം പ്രവർത്തിപ്പിക്കുന്നതിനും പരിപാലിക്കുന്നതിനുമുള്ള മുഴുവൻ ഉത്തരവാദിത്തവും അധികാരവും കൊച്ചി വാട്ടർ മെട്രോ ലിമിറ്റഡിനാകും ഉണ്ടാവുക. കൊച്ചി മെട്രോ റെയിലിന് പിന്നാലെ വാട്ടർ മെട്രോ കൂടി യാഥാർത്ഥ്യമാകുന്നതോടെ പൊതുഗതാഗത സംവിധാനത്തിൽ വലിയ കുതിച്ചുകയറ്റമാകും കൊച്ചിയിൽ ഉണ്ടാവുക.

Story Highlights: kochi water metro update