25
Jun 2021
Friday

കണ്ണൂര്‍ കോട്ട ലൈറ്റ് ആന്‍ഡ് സൗണ്ട് ഷോ അഴിമതിക്കേസ്; അബ്ദുള്ളക്കുട്ടിയുടെ ആരോപണം അടിസ്ഥാന രഹിതമെന്ന് എപി അനിൽകുമാർ എംഎൽഎ

ap anil kumar on kannur light and sound show

കണ്ണൂര്‍ കോട്ട ലൈറ്റ് ആന്‍ഡ് സൗണ്ട് ഷോ അഴിമതിക്കേസിൽ അബ്ദുള്ളക്കുട്ടിയുടെ ആരോപണം അടിസ്ഥാന രഹിതമെന്ന് എപി അനിൽകുമാർ എംഎൽഎ.

ആർക്കാണ് കരാർ നൽകിയതെന്ന് അന്നത്തെ ടൂറിസം മന്ത്രിയായിരുന്ന തനിക്ക് അറിയില്ലെന്നും അത് ജില്ലാടിസ്ഥാനത്തിലാണ് തീരുമാനിച്ചതെന്നും എപി അനിൽകുമാർ പറഞ്ഞു. കണ്ണൂര്‍ ഡിടിപിസിയാണ് കരാർ നൽകിയതെന്നും എപി അനിൽകുമാർ എംഎൽഎ പറഞ്ഞു.
തനിക്കെതിരായ ആരോപണം രാഷ്ട്രീയപ്രേരിതമാണെന്നും ടൂറിസത്തിന് ഗുണകരമാകുമെന്ന് കണ്ടാണ് പദ്ധതി അംഗീകരിച്ചതെന്നും അനിൽകുമാർ പ്രതികരിച്ചു.

എന്നാൽ പദ്ധതി നിന്ന് പോയത് എന്താണെന്നറിയില്ലെന്നും അത് സംബന്ധിച്ചു പരാതികളൊന്നും ലഭിച്ചിരുന്നില്ലെന്നും അനിൽകുമാർ പറഞ്ഞു.
തനിക്കെതിരെ വിജിലൻസ് അന്വേഷണത്തെ സ്വാഗതം ചെയ്യുന്നുവെന്നും ആക്ഷേപം വന്നാൽ അന്വേഷിച്ചു സത്യാവസ്ഥ കണ്ടെത്തണമെന്നും എപി അനിൽകുമാർ എംഎൽഎ പറഞ്ഞു.

Story Highlights: ap anil kumar on kannur light and sound show

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top