22
Jun 2021
Tuesday

ബിജെപി എം.എൽ.എ നരീന്ദർ ബ്രാഗ്ത കൊവിഡ് ബാധിച്ച് മരിച്ചു

ഹിമാചൽ പ്രദേശ് നിയമസഭയിലെ ചീഫ് വിപ്പും ബിജെപി മുതിർന്ന എം‌എൽ‌എയുമായ നരീന്ദർ ബ്രാഗ്ത അന്തരിച്ചു. ചണ്ഡിഗഡിലെ ആശുപത്രിയിൽ വെച്ചായിരുന്നു അന്ത്യം. 68 വയസായിരുന്നു.

കൊവിഡ് മുക്തനായ ബ്രാഗ്ത കൊവിഡാനന്തര സങ്കീർണതകൾക്ക് ചികിത്സയിലായിരുന്നുവെന്ന് മകൻ ചേതൻ സിംഗ് ബ്രാഗ്ത ഫേസ്ബുക്കിലൂടെ അറിയിച്ചു.

1952 സെപ്റ്റംബർ 12 ന് ജനിച്ച നരീന്ദർ ബ്രാഗ്ത 1998 ൽ ആദ്യമായി വിധാൻ സഭയിലേക്ക് തിരഞ്ഞെടുക്കപ്പെട്ടു. 1998 മുതൽ 2003 വരെ ധുമലിന്റെ നേതൃത്വത്തിലുള്ള ബിജെപി ഭരണത്തിൽ ഹോർട്ടികൾച്ചർ മന്ത്രിയായി തുടർന്നു. 2007 മുതൽ 2012 വരെ കാബിനറ്റ് മന്ത്രി കൂടിയായിരുന്നു അദ്ദേഹം.

ബ്രാഗ്തയുടെ നിര്യാണത്തിൽ മുഖ്യമന്ത്രി ജയ് റാം താക്കൂർ അനുശോചിച്ചു. പാർട്ടിക്ക് ആത്മാർത്ഥതയും സമർപ്പിതവുമായ ഒരു നേതാവിനെ നഷ്ടപ്പെട്ടുവെന്നും നഷ്ടം നികത്താനാവില്ലെന്നും അദ്ദേഹം പറഞ്ഞു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top