22
Jun 2021
Tuesday

ഉപരാഷ്ട്രപതിയുടെ അക്കൗണ്ടിലെ ബ്ലൂ ബാഡ്ജ് പുനഃസ്ഥാപിച്ച് ട്വിറ്റർ

twitter restore blue badge of venkaiyya naidu

ഉപരാഷ്ട്രപതി വെങ്കയ്യ നായിഡുവിൻ്റെ അക്കൗണ്ടിലെ ബ്ലൂ ബാഡ്ജ് ട്വിറ്റർ പുനഃസ്ഥാപിച്ചു. വെങ്കയ്യ നായിഡുവിൻ്റെ സ്വകാര്യ ട്വിറ്റർ അക്കൗണ്ടിലെ ബ്ലൂ ബാഡ്ജാണ് നേരത്തെ ട്വിറ്റർ പിൻവലിച്ചത്. തുടർന്ന് സംഭവം വാർത്തയായപ്പോൾ പുനഃസ്ഥാപിക്കുകയായിരുന്നു.

എന്നാൽ ഇത് അസ്വാഭാവിക നടപടിയല്ലെന്നും യഥാസമയം വേരിഫിക്കേഷൻ നടപടി പൂർത്തിയാക്കാത്തതുകൊണ്ടാണ് ഇതുണ്ടായതെന്നും ട്വിറ്റർ പ്രതികരിച്ചു. മാത്രമല്ല വെങ്കയ്യ നായിഡുവിൻ്റെ ഈ അക്കൗണ്ട് കഴിഞ്ഞ ആറ് മാസമായി പ്രവർത്തനക്ഷമമായിരുന്നില്ലെന്നും ട്വിറ്റർ പറഞ്ഞു. 2020 ജൂലൈ മൂന്നിനാണ് അവസാനമായി ഈ അക്കൗണ്ട് ഉപയോഗിച്ചത്.

അതേസമയം, ഐ.ടി.ഭേദഗതി നിയമവുമായി ബന്ധപ്പെട്ട് സർക്കാറുമായി നിലനിൽക്കുന്ന തർക്കത്തിൻ്റെ ഭാഗമായാണ് ട്വിറ്ററിൻ്റെ ഇത്തരം നടപടികളെന്ന് ഐ.ടി.മന്ത്രാലയം പ്രതികരിച്ചു.

Story Highlights: twitter restore blue badge of venkaiyya naidu

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top