31
Jul 2021
Saturday

രാജസ്ഥാനിൽ പശുക്കടത്ത് ആരോപിച്ച് ആൾക്കൂട്ടം ഒരാളെ മർദിച്ച് കൊലപ്പെടുത്തി

രാജസ്ഥാനിലെ ചിറ്റോർഗഡിൽ പശുക്കടത്ത് ആരോപിച്ച് ആൾക്കൂട്ടം ഒരാളെ മർദിച്ച് കൊലപ്പെടുത്തി. മധ്യപ്രദേശ് അചൽപൂർ സ്വദേശി ബാബു ലാൽ ഭിൽ ആണ് കൊല്ലപ്പെട്ടത്. ഒപ്പം ഉണ്ടായിരുന്ന വ്യക്തിയെ ഗുരുതര പരുക്കുകളോടെ ആശുപത്രിയിൽ പ്രവേശിച്ചു.

ചിറ്റോർഗഡിലെ ബേഗവിൽ വച്ചാണ് ആക്രമണമുണ്ടായത്. വണ്ടിയിൽ സഞ്ചരിക്കവേ ഒരു കൂട്ടം ആളുകൾ വണ്ടി തടയുകയും തുടർന്ന് ഇവരെ മർദ്ദിക്കുകയുമായിരുന്നു. ഉടൻ തന്നെ സമീപ വാസികൾ പൊലീസിൽ വിവരം അറിയിക്കുകയും, പൊലീസ് ഉടൻ പ്രദേശത്ത് എത്തിച്ചേരുകയും ചെയ്തു. എന്നാൽ പൊലീസ് എത്തിച്ചേർന്നപ്പോഴേക്കും അക്രമികൾ ഓടി രക്ഷപ്പെട്ടു.

അക്രമികൾ അവരുടെ രേഖകളും മൊബൈൽ ഫോണുകളും തട്ടിയെടുത്തെന്ന് ഉദയ്പൂർ റേഞ്ച് ഐ.ജി സത്യവീർ സിംഗ് പറഞ്ഞു.


സംഭവുമായി ബന്ധപ്പെട്ട് ചിലരെ കസ്റ്റഡിയിൽ എടുത്തിട്ടുണ്ടെന്ന് പോലീസ് അറിയിച്ചു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top