02
Aug 2021
Monday

കുട്ടമ്പുഴയിൽ കിണറ്റിൽ വീണ കാട്ടാനയെ രക്ഷപ്പെടുത്തി

kuttambuzha wild elephant rescued

കോതമംഗലം കുട്ടമ്പുഴയിൽ കിണറ്റിൽ വീണ കാട്ടാനയെ രക്ഷപ്പെടുത്തി . ജെസിബി ഉപയോഗിച്ച് കിണർ ഇടിച്ചു നിരത്തിയാണ് ആനയെ കിണറ്റിൽ നിന്ന് കയറ്റിയത്. നേര്യമംഗലം റേഞ്ച് ഓഫിസറുടെ നേതൃത്വത്തിൽ വനപാലക സംഘവും നാട്ടുകാരും ചേർന്നായിരുന്നു രക്ഷാപ്രവർത്തനം.

പിണവൂർകുടി ആദിവാസി കോളനിയിൽ പുലർച്ചെയാണ് കാട്ടാനക്കൂട്ടം എത്തിയത്. അതിനിടെ കൂട്ടം തെറ്റിയ പിടിയാന കോളനിയിലെ ഗോപാലകൃഷ്ണന്റെ റബർ തോട്ടത്തിലുള്ള കിണറ്റിൽ വീഴുകയായിരുന്നു. ഏകദേശം പത്ത് വയസ് പ്രായം തോന്നിക്കുന്ന പിടിയാനയാണ് കിണറ്റിൽ വീണത്. വനപാലകരും പ്രദേശവാസികളും മൂന്ന് മണിക്കൂറോളം നടത്തിയ രക്ഷാപ്രവർത്തനത്തിനൊടുവിലാണ് ആനയെ കിണറ്റിൽ നിന്ന് കയറ്റിയത്.

രക്ഷപ്പെട്ടയുടൻ ആന പൂയംകുട്ടി വനമേഖലയിലേയ്ക്ക് തിരികെ പോയി. കാട്ടാനക്കൂട്ടം സമീപത്തെ കൃഷിയിടങ്ങൾ നശിപ്പിച്ചതായി നാട്ടുകാർ പരാതിപ്പെടുന്നു. ജനവാസ കേന്ദ്രമായ ഇവിടെ കാട്ടാനശല്യം രൂക്ഷമാണ്. കാട്ടാനക്കൂട്ടത്തെ തുരുത്തുവാനായി യാതൊരു നടപടികളും ഉണ്ടാകാത്തതിൽ ശക്തമായ പ്രതിഷേധം ഉയരുന്നുണ്ട്.

Story Highlights: kuttambuzha wild elephant rescued

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top