24
Jul 2021
Saturday

തെരഞ്ഞെടുപ്പ് റാലിയിലെ പ്രസംഗം; മിഥുന്‍ ചക്രബര്‍ത്തിയെ ചോദ്യം ചെയ്തു

നടനും ബിജെപി നേതാവുമായ മിഥുന്‍ ചക്രബര്‍ത്തിയെ കൊല്‍ക്കത്ത പൊലീസ് ചോദ്യം ചെയ്തു. തെരഞ്ഞെടുപ്പ് റാലിക്കിടെ മിഥുന്‍ ചക്രവര്‍ത്തി നടത്തിയ പ്രസംഗം വിവാദമായിരുന്നു. ഇതുമായി ബന്ധപ്പെട്ടാണ് കൊല്‍ക്കത്ത പൊലീസിന്റെ നടപടി. കൊവിഡിന്റെ പശ്ചാത്തലത്തില്‍ ഓണ്‍ലൈനായിട്ടായിരുന്നു ചോദ്യം ചെയ്യല്‍ നടന്നത്.

പശ്ചിമ ബംഗാള്‍ തെരഞ്ഞെടുപ്പില്‍ ബിജെപിയുടെ താരപ്രചാരകനായിരുന്നു മിഥുന്‍ ചക്രബര്‍ത്തി. തന്റെ സിനിമയിലെ ചില ഡയലോഗുകള്‍ പറഞ്ഞായിരുന്നു മിഥുന്‍ ചക്രബര്‍ത്തിയുടെ പ്രസംഗം. ഇത് സംഘര്‍ഷത്തിന് കാരണമായെന്ന് പരാതി ഉയര്‍ന്നു. തുടര്‍ന്ന് മണിക്ടല പൊലീസ് സ്റ്റേഷനില്‍ കേസ് രജിസ്റ്റര്‍ ചെയ്തു.

തെരഞ്ഞെടുപ്പിന് ശേഷം ബംഗാളിലുണ്ടായ സംഘര്‍ഷങ്ങള്‍ക്ക് കാരണം തന്റെ സിനിമാ ഡയലോഗുകളല്ല എന്നാണ് മിഥുന്‍ ചക്രബര്‍ത്തിയുടെ വാദം. സിയാല്‍ദ കോടതിയുടെ പരിഗണനയിലുള്ള നിയമ നടപടികള്‍ അവസാനിപ്പക്കണമെന്ന് ചൂണ്ടിക്കാട്ടി മിഥുന്‍ ചക്രബര്‍ത്തി കൊല്‍ക്കത്ത ഹൈക്കോടതിയെ സമീപിച്ചിട്ടുണ്ട്.

Story Highlights: Mithun Chakraborty, Kolkata Police, BJP, Election Speech

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top