25
Jul 2021
Sunday

പറക്കുംസിഖുകാരന്റെ സ്മരണയ്ക്ക് മില്‍ഖ സിംഗ് ചെയര്‍ സ്ഥാപിക്കാന്‍ തീരുമാനം

ഇതിഹാസ കായികതാരം മില്‍ഖ സിംഗിന്റെ സ്മരണയ്ക്കായി പട്യാലയിലെ പഞ്ചാബ് സ്‌പോര്‍ട്‌സ് യൂണിവേഴ്‌സിറ്റിയില്‍ മില്‍ഖ സിംഗ് ചെയര്‍ സ്ഥാപിക്കാന്‍ തീരുമാനം. പഞ്ചാബ് മുഖ്യമന്ത്രി അമരീന്ദര്‍ സിംഗ് ആണ് ഇക്കാര്യം അറിയിച്ചത്. ‘രാജ്യത്തെ യുവതലമുറയ്ക്ക് വലിയ പ്രചോദമാണ് മില്‍ഖാ സിംഗ്. അദ്ദേഹത്തിന്റെ വിയോഗം ഒരിക്കലും നികത്താനും കഴിയില്ല’. അമരീന്ദര്‍ സിംഗ് പറഞ്ഞു.

ഛണ്ഡിഗഡിലുള്ള മില്‍ഖ സിംഗിന്റെ കുടുംബാംഗങ്ങളെയും പഞ്ചാബ് മുഖ്യമന്ത്രി സന്ദര്‍ശിച്ചിരുന്നു. നിര്യാണത്തില്‍ അനുശോചനം അറിയിച്ച മുഖ്യമന്ത്രി പറക്കും സിഖുകാരന്റെ ജീവിതം ഭാവിതലമുറകളിലും പ്രതിഫലിക്കുമെന്ന് പറഞ്ഞു. കൊവിഡ് ബാധിച്ച് ചികിത്സയിലിരിക്കെ വെള്ളിയാഴ്ച രാത്രിയോടെയാണ് മില്‍ഖ സിംഗ് മരണപ്പെട്ടത്. മില്‍ഖയുടെ വേര്‍പാടില്‍ രാഷ്ട്രപതി റാം നാഥ് കോവിന്ദ്, പ്രധാനമന്ത്രി നരേന്ദ്ര മോദി തുടങ്ങിയവരും അനുശോചനമറിയിച്ചു.

Story Highlights: milkhasingh

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top