24
Jul 2021
Saturday

ലക്ഷദ്വീപിന്റെ അധികാരപരിധി മാറ്റാന്‍ നീക്കം; റിപ്പോര്‍ട്ട് നിഷേധിച്ച് കളക്ടര്‍

lakshadweep collector

ലക്ഷദ്വീപിന്റെ അധികാര പരിധി കേരള ഹൈക്കോടതിയില്‍ നിന്ന് കര്‍ണാടക ഹൈക്കോടതിയിലേക്ക് മാറ്റാന്‍ നീക്കമെന്ന റിപ്പോര്‍ട്ട് നിഷേധിച്ച് ലക്ഷദ്വീപ് കളക്ടര്‍ അസ്‌കര്‍ അലി ഇയാസ് രംഗത്ത്. ലക്ഷദ്വീപിന്റെ അധികാര പരിധി കേരള ഹൈക്കോടതിയില്‍ നിന്ന് കര്‍ണാടക ഹൈക്കോടതിയിലേക്ക് മാറ്റാന്‍ ശുപാര്‍ശ ഇല്ലെന്ന് ലക്ഷദീപ് കളക്ടര്‍ പ്രതികരിച്ചു. അത്തരത്തിലുള്ള റിപ്പോര്‍ട്ടുകള്‍ അടിസ്ഥാനരഹിതമാണെന്നും കളക്ടര്‍ വ്യക്തമാക്കി.

ലക്ഷദ്വീപിന്റെ നിയമപരമായ അധികാരപരിധി കേരളത്തില്‍ നിന്നും മാറ്റാന്‍ നീക്കം നടക്കുന്നു എന്നായിരുന്നു റിപ്പോര്‍ട്ട്. അധികാരപരിധി കേരള ഹൈക്കോടതിയില്‍ നിന്നും കര്‍ണാടക ഹൈക്കോടതിയിലേക്ക് മാറ്റാന്‍ ലക്ഷദ്വീപ് ഭരണകൂടം കേന്ദ്രത്തിന് ശുപാര്‍ശ ചെയ്തതായാണ് റിപ്പോര്‍ട്ടില്‍ പറഞ്ഞിരുന്നത്.

ലക്ഷദ്വീപ് അഡ്മിനിസ്‌ട്രേറ്ററുടെ ഭരണപരിഷ്‌കാരങ്ങള്‍ക്കെതിരെ നിരവധി കേസുകള്‍ കേരള ഹൈക്കോടതിയുടെ പരിഗണനയിലിരിക്കെയാണ് ഇത്തരത്തിലൊരു നീക്കം. എന്നാല്‍ ഭരണഘടനയുടെ അനുച്ഛേദം 241 അനുസരിച്ചു കേന്ദ്ര ഭരണ പ്രദേശത്തിന്റെ നിയമപരമായ അധികാര പരിധി മാറ്റാന്‍ പാര്‍ലമെന്റില്‍ നിയമനിര്‍മാണം ആവശ്യമാണ്.

Story Highlights: lakshadweep, high court

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top