ജോസഫൈനെതിരെ മഹിളാ കോണ്‍ഗ്രസ് പ്രതിഷേധം

ഭര്‍തൃ പീഡനത്തെക്കുറിച്ച്‌ പരാതി പറയാന്‍ വിളിച്ച യുവതിയോട് കയർത്തു സംസാരിച്ച വനിതാകമ്മീഷന്‍ അധ്യക്ഷ എം.സി ജോസഫൈനെതിരെ മഹിളാ കോണ്‍ഗ്രസ് പ്രതിഷേധം. എ.കെ.ജി സെന്‍ററിന് മുന്നിലായിരുന്നു പ്രതിഷേധം.

സി.പി.എം സംസ്ഥാന സെക്രട്ടേറിയറ്റ് യോഗം ആരംഭിക്കാനിരിക്കെയായിരുന്നു എ.കെ.ജി സെന്‍ററിന് മുന്നിലെ പ്രതിഷേധം.

പ്രവര്‍ത്തകരെ തടഞ്ഞ പൊലീസ് ഇവരെ അറസ്റ്റ് ചെയ്ത് നീക്കി. പ്രതിഷേധത്തെ തുടര്‍ന്ന് എ.കെ.ജി സെന്‍ററിന് മുന്നില്‍ പൊലീസിനെ വിന്യസിച്ചിരിക്കുകയാണ്.