താനെയിലെ മുത്തൂറ്റ് ഫിനാന്‍സ് ശാഖയില്‍ കവര്‍ച്ചാശ്രമത്തിനിടെ ഏഴംഗസംഘത്തെ കൈയോടെ പിടികൂടി പോലീസ്

ഉൽഹാസ്നഗറിലെ മുത്തൂത്ത് ഫിനാൻസ് ശാഖയിൽ കവർച്ച നടത്താൻ ശ്രമിച്ച ഏഴ് പേരെ വിത്തൽവാടി പോലീസ് അറസ്റ്റ് ചെയ്തു. ഉത്തർപ്രദേശ് സ്വദേശികളായ രണ്ട് പേരെയും നാല് ജാർഖണ്ഡ് സ്വദേശികളെയും ഒരു നേപ്പാൾ സ്വദേശിയെയുമാണ് പോലീസ് പിടി കൂടിയത്. ഞായറാഴ്‌ച പുലർച്ചെയാണ് ഇവർ പോലീസിന്റെ കയ്യിൽ അകപ്പെട്ടത്.

സ്ഥാപനത്തിന്റെ ചുമർ തുരന്ന് കയറി കവർച്ച നടത്താനായിരുന്നു സംഘത്തിന്റെ പദ്ധതി. ഇതിനായി ഡ്രില്ലിങ് മെഷീൻ ഉപയോഗിച്ച് ചുമർ തുരക്കുന്നതിനിടെയാണ് സംഘം പോലീസിന്റെ പിടിയിലായത്.

പ്രതികളെല്ലാം ഉല്ലാസ്നഗറിൽ തന്നെയാണ് താമസിച്ചുവന്നിരുന്നതെന്ന് പോലീസ് പറഞ്ഞു. ഇവർ ഇതിന് മുമ്പും കവർച്ചകൾ നടത്തിയതായും പോലീസ് സംശയിക്കുന്നുണ്ട്. ഇതുസംബന്ധിച്ച് വിശദമായ അന്വേഷണം നടത്തിവരികയാണ്.