02
Aug 2021
Monday

ജയിൽ മോചിതനായത് ആഘോഷിച്ചത് കൊവിഡ് നിയന്ത്രണങ്ങൾ ലംഘിച്ച്; കേസെടുത്ത് പോലീസ്

മഹാരാഷ്ട്ര സർക്കാർ പുറപ്പെടുവിച്ച കൊവിഡ് പ്രോട്ടോക്കോളുകൾ ലംഘിച്ച് ജയിൽ മോചനം ആഘോഷിച്ച സംഘത്തിനെതിരെ പോലീസ് കേസെടുത്തു. ജയിൽ മോചനം ആഘോഷിക്കാൻ സംഘടിപ്പിച്ച പാർട്ടിയുടെ വീഡിയോ വൈറലായതിനെ തുടർന്നാണ് പോലീസ് കേസെടുത്തത്. 10 – 15 ഓളം പേർ ചേർന്ന് ജീപ്പിൽ വെച്ചായിരുന്നു ആഘോഷം. കൊവിഡ്‌ പ്രോട്ടോകോൾ ലംഘിച്ചത് കണ്ടെത്തിയതിനെ തുടർന്നാണ് പോലീസ് എഫ്.ഐ.ആർ. രജിസ്റ്റർ ചെയ്തത്.

ജൂൺ 23 ന് ജയിലിൽ നിന്നും മോചിതനായ ഷബുദിദീൻ ഇദ്രിസി ജയിൽ മോചിതനായപ്പോൾ 10-15 ഓളം പേർ ജീപ്പിൽ സ്വീകരിക്കാൻ എത്തിയതായി ഒരു ഉദ്യോഗസ്ഥൻ പറഞ്ഞു. മാലയിട്ടുകൊണ്ടായിരുന്നു ഇയാളെ സ്വീകരിച്ചത്. പിന്നീടായിരുന്നു പാർട്ടി. ആരും മാസ്ക് ധരിച്ചിട്ടുണ്ടായിരുന്നില്ല.

ഈ സംഭവത്തിന്റെ ഒരു വീഡിയോ സമൂഹ മാധ്യമങ്ങളിൽ വൈറലാകുകയും പ്രാദേശിക പോലീസിന്റെ ശ്രദ്ധയിൽപ്പെടുകയും ചെയ്തു. ഇതേത്തുടർന്ന് സംഭവം തങ്ങളുടെ അധികാരപരിധിയിൽ നടന്നതായി ഡിയോനാർ പോലീസ് കണ്ടെത്തി, കൊവിഡ് പ്രോട്ടോക്കോൾ ലംഘിച്ചതിന് 15 പേർക്കൊപ്പം ഇദ്രിസിക്കെതിരെ കേസ് രജിസ്റ്റർ ചെയ്തു.

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top