30
Jul 2021
Friday

ബംഗ്ലാദേശ് താരം മഹ്മൂദുല്ല ടെസ്റ്റ് ക്രിക്കറ്റിൽ നിന്ന് വിരമിക്കുന്നു എന്ന് റിപ്പോർട്ട്

Mahmudullah Test retirement decision

ബംഗ്ലാദേശ് ക്രിക്കറ്റ് താരം മഹ്മൂദുല്ല ടെസ്റ്റ് ക്രിക്കറ്റിൽ നിന്ന് വിരമിക്കുന്നു എന്ന് റിപ്പോർട്ട്. സിംബാബ്‌വെക്കെതിരായ ടെസ്റ്റ് പരമ്പരക്കിടെയാണ് 35കാരനായ താരം വിരമിക്കൽ പ്രഖ്യാപിച്ചിരിക്കുന്നത്. ഇപ്പോൾ നടന്നുകൊണ്ടിരിക്കുന്ന ടെസ്റ്റിൽ താരം ടെസ്റ്റ് കരിയറിലെ തൻ്റെ ഉയർന്ന സ്കോർ ആയ 150 റൺസ് നേടി മികച്ച ഫോമിലായിരുന്നു. ഇതിനു പിന്നാലെ വിരമിക്കൽ പ്രഖ്യാപിച്ചത് ആരാധകരെയും സഹതാരങ്ങളെയുമൊക്കെ അതിശയിപ്പിച്ചിരിക്കുകയാണ്. ക്രിക്ക്ബസ് ആണ് വാർത്ത റിപ്പോർട്ട് ചെയ്തത്.

സിംബാബ്‌വെക്കെതിരായ ടെസ്റ്റ് മത്സരത്തിൻ്റെ മൂന്നാം ദിനം കളി അവസാനിപ്പിച്ചിരിക്കുകയാണ്. മഹ്മൂദുല്ലയുടെ തകർപ്പൻ ഇന്നിംഗ്സിൻ്റെ കരുത്തിൽ 468 റൺസ് നേടിയ ബംഗ്ലാദേശിനെതിരെ സിംബാബ്‌വെ 276 റൺസ് നേടി പുറത്തായി. രണ്ടാം ഇന്നിംസിൽ ബാറ്റിംഗിനിറങ്ങിയ ബംഗ്ലാദേശ് വിക്കറ്റ് നഷ്ടമില്ലാതെ 45 റൺസ് എടുത്ത് നിൽക്കുകയാണ്. ടെസ്റ്റ് മത്സരം അവസാനിക്കുമ്പോൾ മഹ്മൂദുല്ല വിരമിക്കൽ തീരുമാനം ഔദ്യോഗികമായി പ്രഖ്യാപിക്കും എന്നാണ് സൂചന.

ബംഗ്ലാദേശിനായി 50 ടെസ്റ്റിൽ നിന്ന് 2914 റൺസ് ആണ് മഹ്മദുള്ളയുടെ സമ്പാദ്യം. 5 സെഞ്ചുറിയും 16 അർധ സെഞ്ചുറിയും 43 വിക്കറ്റും അദ്ദേഹത്തിനുണ്ട്.

Story Highlights: Mahmudullah makes sudden Test retirement decision

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top