അനധികൃത സ്വത്ത് സമ്പാദന കേസ്; സസ്‌പെൻഷനിലായ ഛത്തീസ്ഗഡ് എഡിജിപിക്കെതിരെ രാജ്യദ്രോഹക്കേസ്

വരുമാനത്തിൽ കവിഞ്ഞ സ്വത്ത് സമ്പാദിച്ചതിന് സസ്‌പെൻഷനിലായ ഛത്തീസ്ഗഡ് എഡിജിപി ജി. പി സിംഗിനെതിരെ രാജ്യദ്രോഹ കേസ് ചുമത്തി. സിംഗിനെതിരെ ശക്തമായ തെളിവുണ്ടെന്ന് കണ്ടെത്തിയതിന്റെ അടിസ്ഥാനത്തിലാണ് നടപടി.

സർക്കാർ വിരുദ്ധ പ്രവർത്തനങ്ങളിൽ ഏർപ്പെട്ടതുമായി ബന്ധപ്പെട്ട രേഖകളും കത്തുകളും മറ്റും സിംഗിന്റെ ബംഗ്ലാവിൽ നിന്ന് സംസ്ഥാന ആൻരി കറപ്ഷൻ ബ്യൂറോ കണ്ടെടുത്തു. സിംഗിന്റെ വസതിയിലടക്കം പതിനഞ്ച് സ്ഥലങ്ങളിൽ മൂന്ന് ദിവസങ്ങളായി നടത്തിയ റെയ്ഡുകളിൽ പത്ത് കോടിയുടെ സ്വത്ത് വിവരങ്ങൾ കണ്ടെത്തി. സിംഗിന്റെ കൂട്ടാളിയായ മണി ഭൂഷന്റെ വീടുകളിൽ നിന്ന് സർക്കാരിനെതിരെ നടത്തിയ ഗൂഢാലോചനയുടെ തെളിവുകളും കണ്ടെത്തിയിട്ടുണ്ട്.

Story Highlights: sedition case