30
Jul 2021
Friday

വൈദ്യുതി എത്തിച്ച് കെഎസ്ഇബി; ധനസഹായവുമായി വ്യവസായി; ഓണ്‍ലൈന്‍ പഠനത്തിന് ഒരുങ്ങി ആര്യയും ഐശ്വര്യയും

പാലക്കാട് ആറങ്ങോട്ടുകുളമ്പില്‍ വൈദ്യുതിയില്ലാത്തത് കാരണം പഠനം പ്രതിസന്ധിയിലായ ആര്യയ്ക്കും ഐശ്വര്യയ്ക്കും പ്രവാസിയുടെ കരുതല്‍. ശുചിമുറിയടക്കമുള്ള ഇവരുടെ ആവശ്യങ്ങള്‍ നിര്‍വഹിക്കാനാണ് കുവൈത്തിലെ മലയാളി വ്യവസായി ഇവര്‍ക്ക് ധനസഹായം നല്‍കിയത്. ട്വന്റിഫോര്‍ വാര്‍ത്താസംഘം ഇവരുടെ വീട്ടിലെത്തി തുക കൈമാറി. കഴിഞ്ഞ ദിവസം ഇവരുടെ വീട്ടില്‍ വൈദ്യുതിയെത്തിയിരുന്നു.

ആര്യയും ഐശ്വര്യയും വീട്ടില്‍ വൈദ്യുതിയില്ലാത്തതുമൂലം കടുത്ത പ്രതിസന്ധിയിലായിരുന്നു. ഓണ്‍ലൈന്‍ പഠനത്തിന് ബുദ്ധിമുട്ടിയിരുന്ന ഇവരുടെ ദുരവസ്ഥ ട്വന്റിഫോര്‍ വാര്‍ത്തയാക്കിയതിന് പിന്നാലെയായിരുന്നു കെഎസ്ഇബി ജീവനക്കാരുടെ കരുതല്‍. ഒറ്റ ദിവസംകൊണ്ട് ജീവനക്കാര്‍ തന്നെ വയറിംഗ് പൂര്‍ത്തിയാക്കി വൈദ്യുതി നല്‍കി.

വീട്ടില്‍ ശുചിമുറിയടക്കമുള്ള സൗകര്യങ്ങളില്ലെന്ന് ആര്യ പറഞ്ഞിരുന്നു. ഇതറിഞ്ഞ കുവൈത്തിലെ പ്രവാസി വ്യവസായിയാണ് സഹായിക്കാന്‍ സന്നദ്ധതയറിയിച്ച് മുന്നോട്ടുവന്നത്. അദ്ദേഹം ട്വന്റിഫോറിന് നല്‍കിയ തുക ഇരുവരുടെയും വീട്ടിലെത്തി പൊതുപ്രവര്‍ത്തകനായ ഗോപാലന്‍ മലമ്പുഴ കൈമാറി. പാലക്കാട് മോയന്‍ സ്‌കൂളിലെ ഒന്‍പതാം ക്ലാസ് വിദ്യാര്‍ത്ഥിനിയാണ് ആര്യ. ഐശ്വര്യ പഠിക്കുന്നത്. കാളിപ്പാറ യുപി സ്‌കൂളിലാണ് ഐശ്വര്യ പഠിക്കുന്നത്.

Story Highlights: kseb, 24 impact

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top