23
Jul 2021
Friday

കാൽമുട്ടിനു പരുക്ക്; വിൻഡീസിനെതിരായ ഏകദിന പരമ്പരയിൽ ആരോൺ ഫിഞ്ച് കളിച്ചേക്കില്ല

aaron finch miss series

വെസ്റ്റ് ഇൻഡീസിനെതിരായ ഏകദിന പരമ്പരയിൽ ഓസീസ് ക്യാപ്റ്റൻ ആരോൺ ഫിഞ്ച് കളിച്ചേക്കില്ലെന്ന് റിപ്പോർട്ട്. കാൽമുട്ടിനു പരുക്കേറ്റതിനെ തുടർന്നാണ് ഫിഞ്ച് ഏകദിന പരമ്പരയിൽ നിന്ന് വിട്ടുനിൽക്കാൻ തീരുമാനിച്ചിരിക്കുന്നത്. ടി-20 പരമ്പരക്കിടെയാണ് താരത്തിനു പരുക്കേറ്റത്. നിരവധി മുതിർന്ന താരങ്ങൾ വിട്ടുനിൽക്കുന്നതുകൊണ്ട് തന്നെ ഫിഞ്ച് പരുക്കേറ്റ് പുറത്താകുന്നത് ഓസ്ട്രേലിയക്ക് കനത്ത തിരിച്ചടിയാകും.

ടി-20 പരമ്പരയിൽ 1-4ൻ്റെ നാണം കെട്ട തോൽവി ഏറ്റുവാങ്ങിയ ഓസ്ട്രേലിയക്ക് ഏകദിന പരമ്പര വിജയിക്കേണ്ടത് അത്യാവശ്യമാണ്. എന്നാൽ, ഫിഞ്ചിൻ്റെ അഭാവം മുൻ ലോക ചാമ്പ്യന്മാരെ പിന്നോട്ടടിക്കും. ഫിഞ്ച് പുറത്തായാൽ പകരം ക്യാപ്റ്റനെ കണ്ടെത്തുക എന്നതും ഓസ്ട്രേലിയക്ക് തലവേദനയാകും. ടി-20 പരമ്പരയിൽ മാത്യു വേഡ് ആയിരുന്നു ഓസ്ട്രേലിയയുടെ ഉപനായകൻ. എന്നാൽ കഴിഞ്ഞ കുറച്ചുകാലമായി ഏകദിനത്തിൽ കളിച്ചിട്ടില്ലാത്ത വേഡിനെ നായക സ്ഥാനം ഏല്പിച്ചേക്കില്ല. ആഭ്യന്തര ക്രിക്കറ്റിൽ നായകനായി മികച്ച പ്രകടനം നടത്തിയിട്ടുള്ള മോയിസസ് ഹെൻറിക്കസ് ടീമിന നയിച്ചേക്കുമെന്നാണ് കരുതപ്പെടുന്നത്.

Story Highlights: aaron finch may miss west indies odi series

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top