ബുര്‍ജ് ഖലീഫയുടെ നെറുകെയിൽ എയര്‍ഹോസ്​റ്റസ്; വൈറൽ വിഡിയോയ്ക്ക് പിന്നിൽ

ലോകത്തെ ഏറ്റവും ഉയരം കൂടിയ കെട്ടിടമായ ബുര്‍ജ്​ ഖലീഫയുടെ ഏറ്റവും മുകളില്‍ എയര്‍ഹോസ്​റ്റസ്. സോഷ്യൽ മീഡിയയിലൂടെ എമിറേറ്റ്​സ്​ എയര്‍ലൈന്‍സ്​ കഴിഞ്ഞ ദിവസം പുറത്തുവിട്ട വിഡിയോയിലാണ് ബുര്‍ജ്​ ഖലീഫയുടെ ഏറ്റവും മുകൾ വശത്ത് നിൽക്കുന്ന ദൃശ്യങ്ങൾ ഉള്ളത്.​ യുഎഇയെ യാത്രവിലക്കുള്ള പട്ടികയില്‍ നിന്ന് ബ്രിട്ടന്‍ ​ ഒഴിവാക്കിയതിന്​ നന്ദി പറയുന്ന പോസ്​റ്ററുകള്‍ ഈ വിഡിയോയിൽ കാണിക്കുന്നുണ്ട്. ​ വീഡിയോ യഥാര്‍ത്ഥമാണോ, എയര്‍ഹോസ്​റ്റസ്​ വേഷത്തില്‍ ബുര്‍ജിന്​ ഏറ്റവും മുകളില്‍ നിന്ന സ്ത്രീ ആരാണ് ​ തുടങ്ങിയ സംശയങ്ങള്‍ പലരും സോഷ്യൽ മീഡിയയിലൂടെ പങ്കുവെച്ചു.

എന്നാൽ ഇക്കാര്യത്തില്‍ കമ്പനി തന്നെ ഇപ്പോൾ വിശദീകരണവുമായി രംഗത്തു വന്നിരിക്കുകയാണ്. ഇത് ഗ്രീന്‍ സ്‍ക്രീന്‍ പോലുള്ള സാങ്കേതിക വിദ്യകളൊന്നും ഉപയോഗിക്കാതെ യഥാര്‍ത്ഥത്തില്‍ തന്നെ ചിത്രീകരിച്ചതാണെന്ന് എമിറേറ്റ്സ് വ്യക്തമാക്കുന്നു. വി ഡി​യോ യഥാര്‍ത്ഥമാണെന്നും ഇതിൽ അഭിനയിച്ചത്​ നികോള്‍ സ്​മിത്ത്​ ലുഡ്​വിക്​ എന്ന സ്​കൈഡൈവറാണെന്നും ഒപ്പം ഏതാനും പേരുടെ സഹായവും പരിശ്രമവുമാണ് 828 മീറ്റര്‍ ഉയരത്തില്‍ ചിത്രീകരിച്ച ആ വിഡിയോക്ക് പിന്നിലുള്ളതെന്നും കമ്പിനി വിശദമാക്കി.

View this post on Instagram

A post shared by Emirates (@emirates)

കര്‍ശന സുരക്ഷ ഉറപ്പാക്കിക്കൊണ്ടുള്ള പരിശീലനവും പ്ലാനിങും പരീക്ഷണവും പൂര്‍ത്തിയാക്കിയാണ് വിഡിയോ ചിത്രീകരിച്ചത്. സുരക്ഷിതമായി നില്‍ക്കാന്‍ ഒരു പ്ലാറ്റ്ഫോമും ചെറിയൊരു തൂണും ഉറപ്പിച്ചു. ഈ തൂണൂമായും ഇതിന് പുറമെ മറ്റ് പോയിന്റുകളുമായും നിക്കോള്‍ സ്‍മിത്ത് ലുഡ്‍വികിനെ ബന്ധിച്ചു. പുറമേ ക്യാമറയില്‍ പതിയാത്ത വിധത്തില്‍ എമിറേറ്റ്സിന്റെ യൂണിഫോമിനടിയിലൂടെയാണ് ഇത് സജ്ജമാക്കിയത്.

Real or fake? A lot of you have asked this question and we’re here to answer it.
Here’s how we made it to the top of the world’s tallest building, the @BurjKhalifa. https://t.co/AGLzMkjDON@EmaarDubai #FlyEmiratesFlyBetter pic.twitter.com/h5TefNQGQe

— Emirates Airline (@emirates) August 9, 2021

വീഡിയോ ചിത്രീകരിക്കാന്‍ സംഘം അഞ്ച് മണിക്കൂറോളം ബുര്‍ജ് ഖലീഫയുടെ ഏറ്റവും മുകളില്‍ ചെലവഴിച്ചു. ഒരൊറ്റ ഡ്രോണ്‍ ഉപയോഗിച്ചാണ് ദൃശ്യങ്ങള്‍ പൂര്‍ണമായും ചിത്രീകരിച്ചത്. അവിശ്വസനീയമായ സാഹസത്തിന്​ മുതിര്‍ന്ന ലുഡ്​വിക്കിനെ ഭൂമുഖത്തെ ഏറ്റവും ധീരയായ വനിതയെന്നാണ്​ നിര്‍മാണ കമ്പനി വിശേഷിപ്പിക്കുന്നത്​. സഞ്ചാരി, സ്​കൈഡൈവര്‍, യോഗ ഇന്‍സ്​ട്രക്​ടര്‍, ഹൈകര്‍, അഡ്വഞ്ചര്‍ എന്നിങ്ങനെ വിവിധ മേഖലകളിൽ വിദഗ്‌ധയാണ്​ ലുഡ്​വിക്​.

Story Highlight: Emirates’ viral ad on top of Burj Khalifa