അലിഗഡിന്റെ പേര് മാറ്റാൻ ശുപാർശ

ഉത്തർ പ്രദേശിലെ അലിഗഡിന്റെ പേര് മാറ്റണമെന്ന് ശുപാർശ. പേര് ഹരിഗഡ് എന്ന് മാറ്റണമെന്നാണ് ആവശ്യം. ജില്ല പഞ്ചായത്ത്‌ ഇത് സംബന്ധിച്ച ശുപാർശ ഉത്തർപ്രദേശ് സർക്കാരിന് കൈമാറി. നിരവധി ബിജെപി എംഎൽഎമാരും നേരത്തെ ഈ ആവശ്യം ഉന്നയിച്ചിരുന്നു. ഇതിന് പിന്നാലെയാണ് നിലവിൽ ഇത് സംബന്ധിച്ച ശുപാർശ കത്ത് സർക്കാരിന് കൈമാറിയിരിക്കുന്നത്. (Aligarh To Be Renamed)

തിങ്കളാഴ്ച ചെർന്ന പഞ്ചായത്ത് ബോർഡ് യോ​ഗത്തിലാണ് അലി​ഗഡിന്റെ പേര് മാറ്റണമെന്ന നിർദേശം ഉയർന്നത്. തുടർന്ന് പഞ്ചായത്തം​ഗങ്ങൾ ഏകകണ്ഠമായി നിർദേശം പാസാക്കുകയായിരുന്നു. ഇതിന് ശേഷമാണ് അലി​ഗഡിന്റെ പേര് മാറ്റണമെന്ന ശുപാർശ സർക്കാരിന് നൽകുന്നത്.

At the Aligarh Zila Panchayat meeting, we discussed several infrastructure proposals…One of the proposals was renaming of Aligarh to Harigarh. All proposals to be sent to the CM: Shyauraj Singh, husband of Aligarh District Panchayat President Vijay Singh (16.08) pic.twitter.com/48b9iPWBSD

— ANI UP (@ANINewsUP) August 17, 2021

നേരത്തെ അല​ഹാബാദ്, ഫൈസാബാദ് എന്നീ പ്രദേശങ്ങളുടെ പേരുകൾ സർക്കാർ മാറ്റിയിരുന്നത്. അലഹാബാദ് നിലവിൽ പ്രയാ​ഗ് രാജ് എന്നാണ് അറിയപ്പെടുന്നത്. ഫാസിയാബാദ് അയോധ്യയായി. മു​ഗൾ സരായി എന്നത് പണ്ഡിറ്റ് ദീൻ ദയാൽ ഉപാധ്യായ ന​ഗർ എന്നാക്കി സർക്കാർ പേര് മാറ്റിയിരുന്നു.

Read Also : ഇന്ത്യയുടെ പേര് മാറ്റണമെന്ന് സുപ്രിംകോടതി കേന്ദ്രത്തോട് ആവശ്യപ്പെട്ടോ? സത്യമിതാണ് [24 fact check]

അലി​ഗഡിന് പുറമെ ധനിപൂർ എയർസ്ട്രിപ്പിന്റെ പേര് മാറ്റാനും നിർദേശം ഉയർന്നിട്ടുണ്ട്. കല്യാൺ സിം​ഗ് എയർസ്ട്രിപ്പ് എന്ന് മാറ്റാനാണ് ശുപാർശ.

Story Highlight: Aligarh To Be Renamed