23
Sep 2021
Thursday

പബ്ജി കളിക്കാന്‍ ചെലവാക്കിയത് 10 ലക്ഷം രൂപ; മാതാപിതാക്കള്‍ ശകാരിച്ചതോടെ വീടുവിട്ടിറങ്ങി പതിനാറുകാരന്‍

pubg addicted--spend 10 lakh-16 years old boy run away from home

പബ്ജി കളിച്ച് അമ്മയുടെ ബാങ്ക് അക്കൗണ്ടില്‍ നിന്ന് 10 ലക്ഷം രൂപ ചെലവാക്കിയ പതിനാറുകാരന്‍ വീടുവിട്ടിറങ്ങി. പണം നഷ്ടമായതോടെ മാതാപിതാക്കള്‍ ശകാരിച്ചതിനാണ് വിദ്യാര്‍ത്ഥി വീടുവിട്ടിറങ്ങിയത്. മാതാപിതാക്കളുടെ പരാതിയുടെ അടിസ്ഥാനത്തില്‍ പൊലീസ് നടത്തിയ അന്വേഷണത്തില്‍ ഒടുവില്‍ കുട്ടിയെ കണ്ടുകിട്ടി.

മുംബൈയിലെ ജോഗേശ്വരിയിലാണ് സംഭവം. ആന്ദേരിയിലെ മഹാകാളി ഗുഹാ പരിസരത്ത് നിന്നാണ് കുട്ടിയെ കണ്ടെത്തിയത്. കഴിഞ്ഞ ബുധനാഴ്ചയാണ് സംഭവം നടക്കുന്നത്. കഴിഞ്ഞ ഒരു മാസത്തിനിടയിലാണ് കുട്ടി പബ്ജിക്ക് അടിമപ്പെടുന്നത്. പതിനാറുകാരന്റെ അമ്മയുടെ അക്കൗണ്ടില്‍ നിന്നാണ് പണം നഷ്ടമായെന്ന് മനസിലായതോടെ മാതാപിതാക്കള്‍ വഴക്കുപറഞ്ഞു. ഇതോടെ കത്തെഴുതി വച്ച് കുട്ടി വീടുവിട്ടിറങ്ങുകയായിരുന്നു.

Read Also : വര്‍ഷിക വരുമാനം ഒന്നരക്കോടി; അമിതാഭ് ബച്ചന്റെ ബോഡി ഗാര്‍ഡിനെ മാറ്റി

കാണാതായത് പ്രായപൂര്‍ത്തിയാകാത്തയാളാതുകൊണ്ട് തട്ടിക്കൊണ്ടുപോകലിന് കേസെടുത്താണ് പൊലീസ് തെരച്ചില്‍ നടത്തിയത്. കുട്ടിയെ കണ്ടെത്തിയ ശേഷം കൗണ്‍സലിങിന് വിധേയമാക്കി, മാതാപിതാക്കള്‍ക്കൊപ്പം അയച്ചു.

Story Highlight: pubg addicted

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top