21
Sep 2021
Tuesday

സൗരവ് ഗാംഗുലിയുടെ ബയോപിക്ക് ഒരുങ്ങുന്നു

sourav ganguly biopic soon

ഇന്ത്യൻ ക്രിക്കറ്റ് ടീമിൻ്റെ മുൻ ക്യാപ്റ്റനും നിലവിൽ ബിസിസിഐ പ്രസിഡൻ്റുമായ സൗരവ് ഗാംഗുലിയുടെ ബയോപിക്ക് ഒരുങ്ങുന്നു. ലവ് ഫിലിംസ് ആണ് മുൻ നായകൻ്റെ ജീവിതകഥ വെള്ളിത്തിരയൊലെത്തിക്കുക. സൗരവ് ഗാംഗുലി തന്നെയാണ് തൻ്റെ സമൂഹമാധ്യമ അക്കൗണ്ടുകളിലൂടെ വിവരം പങ്കുവച്ചത്. ചിത്രത്തിൻ്റെ മറ്റ് വിശദാംശങ്ങൾ പുറത്തുവിട്ടിട്ടില്ല. (sourav ganguly biopic soon)

കഴിഞ്ഞ ജൂലൈയിൽ തന്നെ ഗാംഗുലി ഇക്കാര്യം ആദ്യം വെളിപ്പെടുത്തിയിരുന്നു. താൻ ബയോപിക്കിന് അനുവാദം നൽകിയെന്നും ചിത്രം ഹിന്ദിയിലാവും നിർമ്മിക്കുക എന്നും ഗാംഗുലി പറഞ്ഞു. ന്യൂസ് 18നോടായിരുന്നു ഗാംഗുലിയുടെ പ്രതികരണം.

“അതെ, ഞാൻ ബയോപിക്ക് നിർമ്മിക്കാൻ സമ്മതം നൽകിയിട്ടുണ്ട്. ഹിന്ദിയിലാവും ചിത്രം നിർമ്മിക്കുക. പക്ഷേ, ഇപ്പോൾ സംവിധായകൻ ആരെന്ന് വെളിപ്പെടുത്താനാവില്ല. എല്ലാം തീരുമാനിക്കാൻ ഏതാനും ദിവസങ്ങൾ കൂടി വേണം.”- ഗാംഗുലി പറഞ്ഞു.

പുറത്തുവരുന്ന റിപ്പോർട്ടുകൾ പ്രകാരം രൺബീർ കപൂർ ആവും ഗാംഗുലിയായി വേഷമിടുക. 200-250 കോടി രൂപ ബഡ്ജറ്റിലാവും സിനിമയുടെ നിർമ്മാണം.

എംഎസ് ധോണി, മുഹമ്മദ് അസ്‌ഹറുദ്ദീൻ എന്നിവരുടെ ബയോപിക്കുകളാണ് ഇതുവരെ ഇന്ത്യൻ പുരുഷ ടീം താരങ്ങളുടേതായി പുറത്തിറങ്ങിയത്. സച്ചിൻ തെണ്ടുൽക്കറെപ്പറ്റി ഒരു ഡോക്യുമെറ്ററിയും പുറത്തിറങ്ങിയിട്ടുണ്ട്. ഇന്ത്യൻ വനിതാ ക്രിക്കറ്റ് ടീം ക്യാപ്റ്റൻ മിതാലി രാജിൻ്റെ ബയോപിക്ക് അണിയറയിൽ ഒരുങ്ങുകയാണ്.

Story Highlight: sourav ganguly biopic soon

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top