Advertisement

ഐപിഎൽ വീണ്ടും റദ്ദാക്കിയേക്കുമോ എന്ന് ഭയപ്പെടുന്നു: വീരേന്ദർ സെവാഗ്

September 23, 2021
Google News 2 minutes Read
Virender Sehwag cancellation IPL

ഐപിഎൽ വീണ്ടും റദ്ദാക്കിയേക്കുമോ എന്ന് ഭയപ്പെടുന്നതായി ഇന്ത്യയുടെ മുൻ താരം വീരേന്ദർ സെവാഗ്. സൺറൈസേഴ്സ് താരം നടരാജന് കൊവിഡ് പോസിറ്റീവായത് ആശങ്കയാണ്. ലീഗ് വീണ്ടും മാറ്റിവെക്കുമോ എന്ന ഭയമാണ് ഇപ്പോൾ ഉള്ളത് എന്നും സെവാഗ് തൻ്റെ ഫേസ്ബുക്ക് വാച്ച്ഷോയിൽ പറഞ്ഞു. (Virender Sehwag cancellation IPL)

Read Also : നടരാജന് കൊവിഡ് പോസിറ്റീവ്; ഡൽഹി-ഹൈദരാബാദ് മത്സരം മാറ്റിവെക്കില്ല

കഴിഞ്ഞ ദിവസം ഡൽഹി ക്യാപിറ്റൽസിനെതിരായ മത്സരത്തിനു മുന്നോടിയായി നടത്തിയ പരിശോധനയിലാണ് സൺറൈസേഴ്സ് താരം ടി നടരാജൻ കൊവിഡ് പോസിറ്റീവായത്. താരം രോഗലക്ഷണങ്ങൾ കാണിക്കുന്നില്ല. നടരാജനെ ക്വാറൻ്റീനിൽ പ്രവേശിപ്പിച്ചിരിക്കുകയാണ്. നടരാജനുമായി സമ്പർക്കം പുലർത്തിയ ഓൾറൗണ്ടർ വിജയ് ശങ്കർ, ടീം മാനേജർ വിജയ് കുമാർ, ഫിസിയോതെറാപിസ്റ്റ് ശ്യാം സുന്ദർ, ഡോക്ടർ അഞ്ജന വന്നൻ, ലൊജിസ്റ്റിക്സ് മാനേജർ തുഷാർ ഖേഡ്കർ നെറ്റ് ബൗളർ പെരിയസാമി ഗണേശൻ എന്നിവർ ഐസൊലേഷനിൽ പ്രവേശിച്ചു. ബാക്കിയുള്ളവരെല്ലാം കൊവിഡ് നെഗറ്റീവായിരുന്നു. ക്യാമ്പിൽ കൊവിഡ് ബാധ റിപ്പോർട്ട് ചെയ്തെങ്കിലും മത്സരം മുൻ നിശ്ചയപ്രകാരം തന്നെ നടന്നു.

മത്സരത്തിൽ 8 വിക്കറ്റിന് ഡൽഹി വിജയിച്ചിരുന്നു. സൺറൈസേഴ്സ് മുന്നോട്ടുവച്ച 135 റൺസ് വിജയലക്ഷ്യം 17.5 ഓവറിൽ 2 വിക്കറ്റ് മാത്രം നഷ്ടപ്പെടുത്തി ഡൽഹി മറികടക്കുകയായിരുന്നു. 47 റൺസെടുത്ത ശ്രേയാസ് അയ്യരാണ് ഡൽഹിയുടെ ടോപ്പ് സ്കോറർ. ശിഖർ ധവാൻ 42 റൺസെടുത്തു. ഋഷഭ് പന്തും (35) ഡൽഹിക്കായി തിളങ്ങി. ജയത്തോടെ 14 പോയിൻ്റുമായി ഡൽഹി ക്യാപിറ്റൽസ് പോയിൻ്റ് ടേബിളിൽ ഒന്നാമതെത്തി.

Read Also : ഡൽഹി ക്യാപിറ്റൽസിന് തകർപ്പൻ ജയം; പോയിന്റ് ടേബിളിൽ ഒന്നാമത്

ടോസ് നേടി ആദ്യം ബാറ്റ് ചെയ്ത സൺറൈസേഴ്സ് നിശ്ചിത 20 ഓവറിൽ 9 വിക്കറ്റ് നഷ്ടത്തിൽ 134 റൺസ് നേടി. സൺറൈസേഴ്സിൽ ഒരാൾക്കും മികച്ച പ്രകടനം കാഴ്ചവെക്കാനായില്ല. 28 റൺസ് നേടിയ അബ്ദുൽ സമദ് ആണ് ഹൈദരാബാദിൻ്റെ ടോപ്പ് സ്കോറർ. ഡൽഹിക്കായി കഗീസോ റബാഡ 3 വിക്കറ്റ് വീഴ്ത്തി.

Story Highlights: Virender Sehwag fears cancellation IPL

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here