ബെവ്‌കോയുടെ പ്രവർത്തന സമയത്തിൽ മാറ്റം; നാളെ മുതൽ പുതിയ സമയക്രമം

ബെവ്‌കോയുടെ പ്രവർത്തന സമയം പുനക്രമീകരിച്ചു. മുൻപ് പ്രവർത്തിക്കും പോലെ രാവിലെ 10 മുതൽ രാത്രി 9 വരെ തുറന്നു പ്രവർത്തിക്കാം. കൂടുതൽ ഇളവുകൾ അനുവദിച്ച സാഹചര്യത്തിലാണ് തീരുമാനം. നാളെ മുതൽ പുതിയ സമയക്രമീകരണത്തിൽ പ്രവർത്തിക്കാം. ( bevco opening closing time )

ലോക്ക്ഡൗണിൽ ഇളവുകൾ വരുത്തിയതോടെ ബെവ്‌കോ ഒട്ട്‌ലെറ്റുകൾക്ക് തുറന്ന് പ്രവർത്തിക്കാൻ അനുവാദം നൽകിയിരുന്നു. രാവിലെ ഒൻപത് മണി മുതൽ രാത്രി ഏഴ് മണി വരെ പ്രവർത്തിക്കാനാണ് അനുമതി നൽകിയിരുന്നത്. ഈ പ്രവർത്തന സമയത്തിനാണ് നിലവിൽ മാറ്റം വരുത്തിയത്.

സമയമാറ്റം സംബന്ധിച്ച കൃത്യമായ വിവരം എല്ലാ ബെവ്‌കോ ഔട്ട്‌ലെറ്റുകളിലും പതിപ്പിക്കണമെന്നും ബെവ്‌കോ എംഡി പുറത്തിറക്കിയ ഉത്തരവിൽ പറയുന്നു. ഔട്ട്‌ലെറ്റുകളിൽ കർശന കൊവിഡ് മാനദണ്ഡങ്ങൾ പാലിക്കണമെന്നും ഉത്തരവിൽ വ്യക്തമാക്കുന്നു.

Read Also : മദ്യം വാങ്ങാന്‍ പുതിയ മാര്‍ഗനിര്‍ദേശം പുറത്തിറക്കി ബെവ്‌കോ

അതേസമയം, മദ്യം വാങ്ങാനെത്തുന്നവർ ആർടിപിസിആർ നെഗറ്റിവ് സർട്ടിഫിക്കറ്റോ വാക്‌സിനേഷൻ രേഖയോ കയ്യിൽ കരുതണമെന്നാണ് ബെവ്‌കോയുടെ നിർദേശം. ഓഗസ്റ്റ് 11 മുതൽ ഈ നിർദേശം നിലവിൽ വന്നിരുന്നു.

Story Highlights: bevco opening closing time