22
Oct 2021
Friday
Covid Updates

    പുനഃസംഘടനയില്‍ പ്രതിഷേധിച്ച് വയനാട് ബിജെപിയില്‍ രാജി

    resignation from bjp wayanad

    പുനഃസംഘടനയില്‍ പ്രതിഷേധിച്ച് വയനാട് ബിജെപിയില്‍ രാജി. സുല്‍ത്താന്‍ ബത്തേരി നിയോജക മണ്ഡലം കമ്മിറ്റിയിലാണ് രാജി പ്രഖ്യാപനം. ജില്ലാ പ്രസിഡന്റ് കെ.ബി മദന്‍ലാല്‍ ഉള്‍പ്പെടെ 13 അംഗ മണ്ഡലം കമ്മിറ്റിയാണ് രാജിവച്ചത്. പുതിയ ജില്ലാ അധ്യക്ഷനെ ഏകപക്ഷീയമായി തെരഞ്ഞെടുത്തതില്‍ പ്രതിഷേധിച്ചാണ് നടപടി. resignation from bjp wayanad

    കഴിഞ്ഞ ദിവസമാണ് ബിജെപിയില്‍ പുനസംഘടന നടന്നത്. അഞ്ചുജില്ലകളില്‍ പ്രസിഡന്റുമാരെ മാറ്റിയതില്‍ വയനാട് ജില്ലയും ഉള്‍പ്പെട്ടിരുന്നു. നിലവിലുണ്ടായിരുന്ന സജി ശങ്കറിനെ മാറ്റി കെ.വി മധുവിനെയാണ് പുതിയ ജില്ലാ പ്രസിഡന്റാക്കിയത്. ഇതിനിടയിലാണ് ബത്തേരി നിയോജക മണ്ഡലത്തില്‍ നിന്നും പ്രതിഷേധ സ്വരമുണ്ടായത്.

    രാജിവച്ച അംഗങ്ങള്‍ നേരത്തെ തന്നെ കെ വി മധുവിനെതിരെ ആരോപണങ്ങളുന്നയിച്ചിരുന്നു. കെ സുരേന്ദ്രനെതിരായ ബത്തേരി തെരഞ്ഞെടുപ്പ് കോഴ വിവാദത്തില്‍ സുരേന്ദ്രനെതിരെയും സംസ്ഥാന നേതൃത്വത്തിനെതിരെയും മദന്‍ലാല്‍ വിഭാഗം നിലപാടെടുത്തിരുന്നു. പക്ഷേ നടപടിയുണ്ടായില്ലെന്നുമാത്രമല്ല സുരേന്ദ്രനെ തുടക്കം മുതല്‍ പിന്തുണച്ച കെ വി മധുവിനെ ജില്ലാ പ്രസിഡന്റ് സ്ഥാനത്തേക്ക് ചുമതലപ്പെടുത്തുകയായിരുന്നു.

    Read Also : നിയമസഭാ കയ്യാങ്കളി കേസില്‍ വിധി ഇന്ന്; മന്ത്രി വി.ശിവന്‍കുട്ടിയടക്കമുള്ള പ്രതികളുടെ വിടുതല്‍ ഹര്‍ജി ഇന്ന് പരിഗണിക്കും

    ഇത് ഏകപക്ഷീയ തീരുമാനമാണെന്ന് മദന്‍ലാല്‍ അടക്കമുള്ളവര്‍ പ്രതികരിച്ചു. ഇന്ന് ബിജെപിയുടെ ജില്ലാ കമ്മിറ്റി ഓഫിസ് ഉദ്ഘാടനം നടക്കാനിരിക്കെയാണ് 13 അംഗങ്ങളും രാജിവയ്ക്കുന്നത്. കേന്ദ്രമന്ത്രി വി മുരളീധരനടക്കം ഇന്ന് ജില്ലയിലെത്തും.

    Story Highlights: resignation from bjp wayanad

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top