07
Dec 2021
Tuesday
Covid Updates

    പാലം പണി ഉടൻ പൂർത്തിയാക്കണം; സ്ഫോടക വസ്‌തുവുമായി യുവാവിന്റെ ആത്മഹത്യ ഭീഷണി

    വാഗമൺ- കോട്ടമൺ നാരകക്കുഴി റൂട്ടിലെ പാലം പണി പൂർത്തിയാക്കണമെന്ന് ആവശ്യപ്പെട്ട് യുവാവിന്റെ ആത്മഹത്യ ഭീഷണി. വാഗമൺ നാരകക്കുഴി സ്വദേശി അനീഷാണ് ഭീഷണി മുഴക്കിയത്. സ്ഫോടക വസ്‌തുവുമായി പാലത്തിന് മുകളിൽ കയറിയാണ് ആത്മഹത്യ ഭീഷണി ഉയർത്തിയത്.

    വാഗമൺ- കോട്ടമൺ റോഡിന് കുറുകെയുള്ള തോടിന് സമീപമുള്ള പാലം പണികൾ ആരംഭിച്ചിട്ട് 4 വർഷം കഴിഞ്ഞു. ഇതുവരെ രണ്ട് പില്ലർ മാത്രമാണ് പണിതത്. പാലം പണി പൂർത്തിയാക്കാത്തതിൽ പ്രതിഷേധിച്ചാണ് ഇപ്പോൾ നാരകക്കുഴി സ്വദേശി പുത്തൻപുരയ്ക്കൽ അനീഷ് ആത്മഹത്യ ഭീഷണി ഉയർത്തിയത്.

    Read Also : വേണ്ടത് മാർപ്പാപ്പയുടെ തൊപ്പി; ബാലന് സമ്മാനമായി മറ്റൊരു തൊപ്പി നൽകി

    2016 ലെ സാമ്പത്തിക വർഷത്തിൽ പാലം പണിക്കായി 10 ലക്ഷം രൂപ ബ്ലോക്ക് പഞ്ചായത്ത് അനുവദിച്ചു. ഫണ്ട് തികയാത്തതിനാൽ പണി പാതി വഴിയിൽ ഉപേക്ഷിക്കുകയായിരുന്നു. പലതവണ നാട്ടുകാർ പരാതി നൽകിയെങ്കിലും നടപടിയുണ്ടായില്ല. ഈ സാഹചര്യത്തിലാണ് സ്ഫോടക വസ്‌തുവുമായി പാലത്തിന് മുകളിൽ കയറി അനീഷ് ആത്മഹത്യ ഭീഷണി മുഴക്കിയത്. ബ്ലോക്ക് പഞ്ചായത്ത് പ്രസിഡന്റ് പൊലീസ് ഉൾപ്പെടെയുള്ളവർ എത്തിയാണ് അനുനയ നീക്കത്തിലൂടെ യുവാവിനെ താഴെ ഇറക്കിയത്.

    Story Highlights :youngster-need-bridge-rework-vagamon-bridge

    ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top