Advertisement

ഹൈദരാബാദിനെയും വീഴ്ത്തി; ബ്ലാസ്‌റ്റേഴ്‌സ് പോയിന്റ് പട്ടികയില്‍ ഒന്നാമത്

January 9, 2022
Google News 3 minutes Read
kerala blasters

ഐഎസ്എല്ലില്‍ ഹൈദരാബാദിനെ എതിരില്ലാത്ത ഒരു ഗോളിന് തോല്‍പ്പിച്ച് കേരള ബ്ലാസ്‌റ്റേഴ്‌സ്. ജയത്തോടെ 17 പോയിന്റോടെ ബ്ലാസ്റ്റേഴ്‌സ് പട്ടികയില്‍ ഒന്നാമതെത്തി. 42ാം മിനിറ്റില്‍ സ്പാനിഷ് സ്‌ട്രൈക്കര്‍ അല്‍വാരോ വാസ്‌ക്വെസാണ് ബ്ലാസ്‌റ്റേഴ്‌സിന് വേണ്ടി ഗോള്‍ നേടിയത്.

10 മത്സരങ്ങള്‍ പൂര്‍ത്തിയാക്കിയ ബ്ലാസ്റ്റേഴ്‌സ് നാലു ജയവും അഞ്ച് സമനിലയും അടക്കം 17 പോയിന്റുമായാണ് ഒന്നാമതെത്തിയത്. ഹൈദരാബാദ് സീസണിലെ രണ്ടാം തോല്‍വിയോടെ തിരികെകയറി. മത്സരം തുടങ്ങുമ്പോള്‍ കേരള ബ്ലാസ്‌റ്റേഴ്‌സ് അഞ്ചാം സ്ഥാനത്തായിരുന്നു. മുംബൈ സിറ്റി എഫ്‌സിക്കും 10 കളികളില്‍ നിന്ന് 17 പോയിന്റുണ്ടെങ്കിലും ഗോള്‍ ശരാശരിയില്‍ ബ്ലാസ്‌റ്റേഴ്‌സ് ഒന്നാമതെത്തുകയായിരുന്നു.

Read Also : പാക് പേസർക്ക് ജഴ്സി സമ്മാനിച്ച് ധോണി

16 പോയിന്റുമായി മൂന്നാം സ്ഥാനത്താണ് ഹൈദരാബാദ്. കളിയുടെ തുടക്കം മുതല്‍ ബ്ലാസ്റ്റേഴ്‌സ് മുന്‍പിലായിരുന്നു. പതിയെ ബ്ലാസ്റ്റേഴ്‌സിനെ ആക്രമിച്ചുകൊണ്ടുതന്നെ ഹൈദരാബാദ് വിട്ടുകൊടുക്കാതെ നിന്നു. ഇരുടീമുകളും ആദ്യ പകുതിയില്‍ പല തവണ ഗോളിനടുത്തെത്തി. 42ാം മിനിറ്റിലാണ് കേരള ബ്ലാസ്‌റ്റേഴ്‌സിന് ലീഡ് നേടാനായത്.

Story Highlights : kerala blasters, ISL

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here