1921 പുഴ മുതൽ പുഴ വരെ; ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത്

അലി അക്ബർ അണിയിച്ചൊരുക്കുന്ന ‘1921 പുഴ മുതൽ പുഴ വരെ’ എന്ന ചിത്രത്തിൻ്റെ ഫസ്റ്റ് ലുക്ക് പോസ്റ്റർ പുറത്ത്. അലി അക്ബർ തന്നെയാണ് പോസ്റ്റർ പുറത്തുവിട്ടത്. ഈയിടെ ഹിന്ദുമതത്തിലേക്കെത്തിയ അലി അക്ബർ രാമസിംഹൻ എന്ന പേര് സ്വീകരിച്ചിരുന്നു. ഈ പേരാണ് അദ്ദേഹം സംവിധായകനായും സ്വീകരിച്ചിരിക്കുന്നത്. അതേസമയം, നിർമാതാവായി തൻ്റെ പഴയ പേരായ അലി അക്ബർ ആണ് ഉള്ളത്. സിനിമക്കായി മമധർമ എന്ന പേരിൽ ഫണ്ട് പിരിവ് നടത്തിയിരുന്നു.

വാരിയം കുന്നത്ത് കുഞ്ഞഹമ്മദ് ഹാജിയുടെ ജീവിത കഥ പറയുന്ന വാരിയം കുന്നൻ എന്ന സിനിമ സംവിധായകൻ ആഷിഖ് അബു പ്രഖ്യാപിച്ചതിന് തൊട്ടുപിന്നാലെയാണ് സംവിധായകൻ അലി അക്ബർ വാരിയം കുന്നത്ത് കുഞ്ഞഹമ്മദ് ഹാജിയെ വില്ലനാക്കി സിനിമ ചെയ്യുന്ന കാര്യം സോഷ്യൽ മീഡിയയിലൂടെ അറിയിച്ചത്. നടൻ തലൈവാസൻ വിജയ് ആണ് ചിത്രത്തിൽ വാരിയംകുന്നത്ത് കുഞ്ഞഹമ്മദായി വേഷമിടുന്നത്. ജോയ് മാത്യൂവും ചിത്രത്തില്‍ അഭിനയിക്കുന്നുണ്ട്.

Story Highlights : 1921 puzha muthal puzha vare poster