Advertisement

കൊവിഡ് : ശരീരത്തിലെ ഓക്സിജൻ അളവ് കൂട്ടാൻ വീട്ടിൽ ചെയ്യാവുന്ന മൂന്ന് വഴികൾ

January 23, 2022
3 minutes Read
increase oxygen level in body covid
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ഒരിടവേളയ്ക്ക് ശേഷം വീണ്ടും സംസ്ഥാനത്ത് കൊവിഡ് വ്യാപനം അതിരൂക്ഷമായിരിക്കുകയാണ്. ടിപിആർ നാൽപ്പത് ശതമാനത്തിന് മുകളിലെത്തിയത് ആശങ്കയോടെയാണ് പൊതുജനം നോക്കികാണുന്നത്. കൊവിഡ് രോ​ഗികൾക്ക് ന്യുമോണിയ വന്ന് ശരീരത്തിലെ ഓക്സിജൻ കുറഞ്ഞ് മരണങ്ങൾ സംഭവിക്കാറുണ്ട്. ശരീരത്തിലെ ഓക്സിജൻ അളവ് കൂട്ടാൻ വീട്ടിൽ തന്നെ ചെയ്യാവുന്ന മാർ​ഗങ്ങൾ വിശദീകരിക്കുകയാണ് ഡോ. ഡാനിഷ് സലിം​. ( increase oxygen level in body covid )

  • ആവി പിടിക്കുക

ആവി പിടിക്കുന്നത് കൊറോണയെ നശിപ്പിക്കാൻ സഹായിക്കില്ല. പക്ഷേ ശരീരത്തിലെ കഫത്തിന്റെ കട്ടി കുറയ്ക്കാൻ ഇത് സഹായിക്കും. സാധാരണ ചൂടുവെള്ളം ഉപയോ​ഗിച്ചാണ് ആവി പിടിക്കേണ്ടത്. മൂക്കിന്റെ ഒരു ദ്വാരം ഉപയോ​ഗിച്ച് ഒരു മിനിറ്റ്, പിന്നെ മൂക്കിന്റെ രണ്ടാം ദ്വാരം വഴി ഒരു മിനിറ്റ്, ഇങ്ങനെ മാറി മാറി വേണം ആവി പിടിക്കാൻ.

  • പ്രോൺ പൊസിഷൻ ശീലിക്കുക

സാധാരണ നമ്മൾ നേരെയാണ് കിടക്കുക. അത്തരം സാഹചര്യങ്ങളിൽ ഒരു വശത്ത് മാത്രം കഫം കെട്ടികിടക്കുന്ന അവസ്ഥ വരും. ആദ്യം 30 മിനിറ്റ് മുതൽ രണ്ട് മണിക്കൂർ വരെ കമിഴ്ന്ന് കിടക്കു, പിന്നീട് ഇടത്ത് തിരിഞ്ഞ് കിടക്കുക, വലത് തിരിഞ്ഞ് കിടക്കുക, പിന്നീട് 30 മിനിറ്റ് മുതൽ രണ്ട് മണിക്കൂർ വരെ ഇരിക്കുക..ഇങ്ങനെയാണ് പ്രോണിം​ഗ് ചെയ്യേണ്ടത്. ഇത് എത്ര തവണ ആവർത്തിക്കാൻ കഴിയുമോ അത്രയും നല്ലതാണ്.

Read Also : കുത്തിവയ്പ്പുകളോട് വിട പറയാം; പ്രമേഹ രോഗത്തിന് ഇനി ഗുളികയും; ചരിത്ര നിമിഷമെന്ന് ഡോ.ജ്യോതിദേവ്

കമിഴ്ന്ന് കിടക്കാൻ സാധിക്കാത്തവർ കസേരയിൽ ഇരുന്ന് ഒരു മേശയിലേക്ക് കമിഴ്ന്ന് കിടക്കാൻ ശ്രമിക്കുന്നതും നല്ലതാണ്.

ബിപി കുറവിള്ള വ്യക്തികൾ, അടുത്തിടെ വയറിന് ശസ്ത്രക്രിയ ചെയ്തവർ, അബോധാവസ്തയിലുള്ളവർ, നട്ടെല്ലിന് പ്രശ്നമുള്ളവർ എന്നിവർ പ്രോണിം​ഗ് ചെയ്യരുത്.

  • കപ്പിം​ഗ് ടെക്നിക്ക്

കൈ ചുരുക്കി പിടിച്ച് നെഞ്ചിൽ തട്ടുന്നതാണ് കപ്പിം​ഗ്.
ഇത്തരത്തിൽ കപ്പിം​ഗ് ചെയ്താൽ കഫം ഇല്ലാതാകാൻ സഹായിക്കും.

ആശുപത്രികളിലും ഈ രീതികളാണ് പിന്തുടരുന്നതെന്ന് ഡോ. ഡാനിഷ് സലിം സാക്ഷ്യപ്പെടുത്തുന്നു.

Story Highlights : increase oxygen level in body covid- 19, pneumonia, oxygen level, corona virus

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement