നിയമവിരുദ്ധ ബൗളിംഗ് ആക്ഷന്; പാകിസ്താൻ പേസര്‍ മുഹമ്മദ് ഹസ്‌നൈന് ഐസിസി വിലക്ക്
1 minute Read
നിയമവിരുദ്ധമായ ബൗളിംഗ് ആക്ഷന് പാകിസ്താൻ പേസര്‍ മുഹമ്മദ് ഹസ്‌നൈന് ഐസിസി വിലക്ക്. ലാഹോറില്‍ നടത്തിയ പരിശോധനയില്‍ താരമെറിഞ്ഞ മിക്ക പന്തുകളിലും പ്രശ്‌നം കണ്ടെത്തുകയായിരുന്നു. താരത്തിന്‍റെ ആക്ഷനില്‍ അനുവദനീയമായ 15 ഡിഗ്രിയിലധികം വളവുള്ളതായി കണ്ടെത്തിയത്. ബിഗ് ബാഷ് ലീഗില്‍ സിഡ്‌നി തണ്ടേര്‍സിനായി കളിക്കുമ്പോഴാണ് താരത്തിന്‍റെ ആക്ഷന് ആദ്യം റിപ്പോര്‍ട്ട് ചെയ്യപ്പെട്ടത്.
ഹസ്‌നൈന്‍റെ ആക്ഷന് നിയമവിധേയമാക്കി മെച്ചപ്പെടുത്താനുള്ള ശ്രമങ്ങള്‍ പാകിസ്താൻ ക്രിക്കറ്റ് ബോര്‍ഡ് ആരംഭിച്ചു. ഇതിനായി ഒരു ബൗളിംഗ് കണ്‍സള്‍ട്ടന്‍റിനെ പിസിബി നിയോഗിക്കും. ബൗളിംഗ് ആക്ഷന്‍റെ പേരില്‍ രാജ്യന്തര ക്രിക്കറ്റില്‍ നിന്ന് വിലക്കിയാലും ആഭ്യന്തര ക്രിക്കറ്റില്‍ കളിക്കാന്‍ താരങ്ങള്‍ക്ക് പ്രശ്‌നമില്ല.
എന്നാല്‍ ബൗളിംഗ് ആക്ഷന് നിയമവിധേയമാകും വരെ താരത്തെ പാകിസ്താൻ സൂപ്പര്‍ ലീഗില്‍ കളിപ്പിക്കില്ലെന്ന നിലപാടാണ് പാക് ക്രിക്കറ്റ് ബോര്‍ഡ് സ്വീകരിച്ചിരിക്കുന്നത്. ബൗളിംഗ് ആക്ഷന് നിയമവിധേയമെന്ന് തെളിയിച്ചാല്‍ മാത്രമേ താരത്തിന് രാജ്യാന്തര ക്രിക്കറ്റിലേക്ക് തിരിച്ചെത്താനാകൂ.
Story Highlights : pakistan-pacer-mohammad-hasnain-suspended-
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here
English