ഫിഫ ലോകകപ്പ് 2022 : ഔദ്യോഗിക സ്‌പോൺസറായി ബൈജൂസ്

ബൈജൂസ് ഫിഫ ലോകകപ്പ് 2022 ന്റെ ഔദ്യോഗിക സ്‌പോൺസർ. ഫിഫ ലോകകപ്പിൽ ഇതാദ്യമായാണ് ഒരു ഇന്ത്യൻ കമ്പനി സ്‌പോൺസർമാരാകുന്നത്. ഇതോടെ ഫിഫാ ലോകകപ്പിന്റെ ചിഹ്നവും മറ്റും ഉപയോഗിച്ച് പ്രമോഷനുകൾ തയാറാക്കാനുള്ള അധികാരവും ബൈജുവിനുണ്ട്. ( byjus fifa world cup sponsors )

ലോകകപ്പ് സ്‌പോൺസർ ചെയ്യുന്ന ആദ്യ ഇന്ത്യൻ സ്ഥാപനം എന്നതിലുപരി, ആദ്യ എഡ്യു-ടെക്ക് സ്ഥാപനം കൂടിയാണ് ബൈജൂസ്. നിലവിൽ ഇന്ത്യൻ ക്രിക്കറ്റ് ടീമിന്റെ സ്‌പോൺസർമാരുമാണ് ബൈജൂസ്.

Read Also : വാട്ട്‌സ്ആപ്പ് വെബിനായി പുതിയ സുരക്ഷാ മാര്‍ഗം; എന്താണ് കോഡ് വെരിഫൈ?

‘ ലോകത്തെ ഏറ്റവും വലിയ കായിക മത്സരം സ്‌പോൺസർ ചെയ്യാൻ സാധിച്ചതിന്റെ ആവേശത്തിലാണ് ഞങ്ങൾ’- ബൈജൂസിന്റെ സഹസ്ഥാപകൻ ബൈജു രവീന്ദ്രൻ പറയുന്നു. കായികയിനങ്ങൾ ലോകമെമ്പാടുമുള്ള മനുഷ്യരെ ഒരുമിച്ച് കൂട്ടും. കോടിക്കണക്കിനാളുകൾക്ക് ഫുട്‌ബോൾ പ്രചോദനമാകുന്നത് പോലെ, കുട്ടികളെ പഠിക്കാൻ പ്രചോദിപ്പിക്കാൻ ബൈജൂസ് കാരണമാകുമെന്ന് പ്രതീക്ഷിക്കുന്നതായും ബൈജു രവീന്ദ്രൻ വ്യക്തമാക്കി.

Story Highlights: byjus fifa world cup sponsors