Advertisement

‘ഇൻസുലിനെടുത്തതിന് മയക്കുമരുന്നെന്ന് പറഞ്ഞ് കളിയാക്കിയതിൽ മനംനൊന്ത് വിദ്യാർത്ഥിനി’; അസുഖത്തിന്റെ പേരിൽ കുഞ്ഞുങ്ങൾ സ്‌കൂളുകളിൽ ബുദ്ധിമുട്ട് നേരിടുന്നുണ്ടോ ? Student Tv Investigation

April 3, 2022
3 minutes Read
schools need restrooms for children 24 student tv
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

പ്രമേഹം പോലുള്ള രോഗങ്ങളുള്ള കുട്ടികൾ പല സ്‌കൂളുകളിലും ശാരീരകമായും മാനസികമായും ബുദ്ധിമുട്ടുകൾ അനുഭവിക്കുന്നുണ്ട്. കുട്ടികൾക്ക് ശാരീരിക ബുദ്ധിമുട്ടുകളുണ്ടെങ്കിൽ പ്രാഥമിക ചികിത്സ നൽകാനോ വിശ്രമിക്കാനോ സ്‌കൂളുകളിൽ സൗകര്യമുണ്ടോ ? അസുഖത്തിന്റെ പേരിൽ കുഞ്ഞുങ്ങൾ സ്‌കൂളുകളിൽ ബുദ്ധിമുട്ട് നേരിടുന്നുണ്ടോ ? സ്റ്റുഡന്റ് ടി.വി അന്വേഷിക്കുന്നു. ( schools need sickrooms for children 24 student tv )

ഒരു സിക്ക് റൂം, അല്ലെങ്കിൽ ഇഞ്ചക്ഷൻ റൂം സ്‌കൂളുകളിൽ അനിവാര്യമാണ്. എന്നാൽ സംസ്ഥാനത്തെ പല സ്‌കൂളുകളിലും ഇത് ഇല്ല. കുഞ്ഞുങ്ങൾക്കുണ്ടാകുന്ന ടൈപ്പ് 1 ഡയബെറ്റീസിനെ കുറിച്ച് അധ്യാപകർക്ക് അവബോധമില്ലാത്തതിന്റെ ദൂഷ്യവശം നാം മുൻപ് കണ്ടിട്ടുണ്ട്. സ്‌കൂളിൽ വച്ച് ഇൻസുലിനെടുത്ത കുട്ടിയെ മയക്കുമരുന്നെന്ന പേരിൽ സഹപാഠികൾ കളിയാക്കിയത് ആ വിദ്യാർത്ഥിയെ കോമയിൽ വരെ എത്തിച്ച സംഭവം കേരള മനസാക്ഷിയെ ഞെട്ടിച്ചിരുന്നു. നാല് ദിവസമാണ് വിദ്യാർത്ഥിനി ഐസിയുവിൽ കിടന്നതെന്ന് വിദ്യാർത്ഥിനിയുടെ അമ്മ ട്വന്റിഫോർ സ്റ്റുഡന്റ് ടിവിയോട് പറഞ്ഞു. ‘ഇനിയൊരു കുട്ടിക്കും ഇങ്ങനെയൊരു ഗതി ഉണ്ടാകരുത്’- അമ്മ വിതുമ്പിക്കൊണ്ട് പറഞ്ഞു.

മറ്റൊരു അമ്മയുടെ അനുഭവം ഇങ്ങനെ -‘ സ്വന്തമായി ജോലിയുണ്ടായിരുന്ന വ്യക്തിയാണ് ഞാൻ. എന്നാൽ മകന് ഡയബറ്റീസ് ഉള്ളതുകൊണ്ട് അവനൊപ്പം സ്‌കൂളിൽ പോകേണ്ടി വരുന്നു. ഇടയ്ക്കിടെ ഷുഗർ കൂടുകയും, കുറയുകയും, ഇൻസുലിനെടുക്കുകയും ചെയ്യേണ്ടി വരുന്നുണ്ട്’.

Read Also : പ്രമേഹ രോഗികളുടെ രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഉപകരണം; കൃത്രിമ പാൻക്രിയാസ് യന്ത്രമെത്തി

സ്‌കൂളുകൾ കുഞ്ഞുങ്ങളുടെ പഠനകേന്ദ്രമാകുന്നതിനുമപ്പുറം അവരുടെ ശാരീരിക മാനസിക ബുദ്ധിമുട്ടികളെ കൂടി പരിഗണിച്ചുള്ള മികവിന്റെ കേന്ദ്രമാകേണ്ടതുണ്ട്. പഠന നിലവാരം ഉയർത്തുക മാത്രമല്ല, കുട്ടികളുടെ മാനസിക ഉല്ലാസവും ശാരീരിക ക്ഷമതയും ഉറപ്പ് വരുത്തേണ്ടത് സർക്കാരിന്റെയും വിദ്യാലയങ്ങളുടേയും ചുമതലയാണ്.

Story Highlights: schools need sickrooms for children 24 student tv

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement