Advertisement

മറഡോണയുടെ ‘ദൈവത്തിന്റെ കൈ’ ജഴ്സി ലേലത്തിന്

April 6, 2022
2 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ഇതിഹാസ ഫുട്ബോളർ ഡീഗോ മറഡോണയുടെ ജഴ്സി ലേലത്തിന്. 1986 ലോകകപ്പിൽ ഇംഗ്ലണ്ടിനെതിരായ ക്വാർട്ടർ ഫൈനലിൽ മറഡോന അണിഞ്ഞ ജഴ്സിയാണ് ലേലം ചെയ്യാനൊരുങ്ങുന്നത്. ആ മത്സരത്തിലാണ് താരം ഏറെ പ്രശസ്തമായ ‘ദൈവത്തിൻ്റെ കൈ’ ഗോൾ നേടിയത്. ഈ മാസം 20 മുതൽ അടുത്ത മാസം 4 വരെ ഓൺലൈൻ ആയാണ് ലേലം നടക്കുക. സോത്ത്‌ബൈസ് എന്ന കമ്പനിയാണ് ജഴ്സി ലേലത്തിൽ വെക്കുന്നത്. ജഴ്സിക്ക് 40 കോടി രൂപയ്ക്ക് മുകളിൽ വില ലഭിക്കുമെന്നാണ് കണക്കുകൂട്ടൽ.

മത്സരത്തിനു ശേഷം മറഡോണ ഇംഗ്ലണ്ട് മധ്യനിര താരം സ്റ്റീവ് ഹോഡ്ജുമായി ജഴ്‌സി കൈമാറിയിരുന്നു. അതിനു ശേഷം ഹോഡ്ജ് ആണ് ജഴ്സി സൂക്ഷിച്ചിരുന്നത്. കഴിഞ്ഞ 35 വർഷം താൻ ഏറെ അഭിമാനത്തോടെയാണ് ഈ ജഴ്സി സൂക്ഷിച്ചിരുന്നതെന്ന് ഹോഡ്ജ് പറയുന്നു. ലോകം കണ്ട എക്കാലത്തെയും ഇതിഹാസമായ ഫുട്ബോൾ താരത്തിനെതിരെ കളിക്കാൻ കഴിഞ്ഞത് വലിയ ബഹുമതിയായി താൻ കണക്കാക്കുന്നു എന്നും ഹോഡ്ജ് പറഞ്ഞു.

ഇംഗ്ലണ്ടിനെതിരായ മത്സരത്തിൻ്റെ 51ആം മിനിട്ടിലാണ് ‘ദൈവത്തിൻ്റെ കൈ’ എന്ന് വിശേഷിപ്പിക്കപ്പെടുന്ന ഗോൾ പിറന്നത്. ഗോളിനായി ഉയർന്നുചാടിയ താരം കൈ കൊണ്ട് പന്ത് വലയിലേക്ക് തട്ടിയിടുകയായിരുന്നു. 55ആം മിനിട്ടിൽ നൂറ്റാണ്ടിലെ ഗോൾ എന്നറിയപ്പെടുന്ന മറ്റൊരു ഗോളും മറഡോണ സ്കോർ ചെയ്തു. ഇംഗ്ലണ്ടിൻ്റെ അഞ്ചോളം താരങ്ങളെ മറികടന്നായിരുന്നു ഈ മനോഹര ഗോൾ. മത്സരം മടക്കമില്ലാത്ത രണ്ട് ഗോളുകൾക്ക് അർജൻ്റീന വിജയിച്ചു.

Story Highlights: maradona hand of god jersey austion

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement