പട്ടി ഉടമയെ തല്ലിയ പൂച്ച ഉടമയ്ക്ക് 8 ലക്ഷം രൂപയുടെ പിഴ

ദുബായിൽ യുവാവിനെ മർദിച്ച് വളർത്ത് പട്ടിയെ ഭയപ്പെടുത്തിയ കേസിൽ ഈജിപ്ഷ്യൻ പൗരന് പിഴ ചുമത്തി കോടതി. 40,000 ദിർഹം (850708.61 രൂപ) പിഴയാണ് ദുബായ് കോടതി ചുമത്തിയത്. ( cat owner fined for assaulting dog owner )

സെപ്തംബർ ഏഴിനാണ് കേസിനാസ്പദമായ സംഭവം നടക്കുന്നത്. വീട്ടിൽ നിന്ന് പുറത്തേക്ക് ഓടിയ വളർത്ത് പൂച്ചയെ പിടിക്കാനായി പിന്നാലെ പായുകയായിരുന്നു 32 കാരനായ ഈജിപ്ഷ്യൻ പൗരൻ. ഈ സമയത്ത് വളർത്ത് പട്ടിയുമായി നടക്കാനിറങ്ങിയതായിരുന്നു പത്തൊമ്പതുകാരൻ.

ഈജിപ്ഷ്യൻ പൗരനെ കണ്ടതോടെ കുട്ടി നായയുടെ ചെവിയിൽ പറഞ്ഞു പൂച്ചയ്ക്ക് അയാളെ പേടിയാണെന്നും അതുകൊണ്ടാണ് ഓടിയതെന്നും. ഇത് കേട്ട് പ്രകോപിതനായ വ്യക്തി പത്തൊമ്പതുകാരനെ കയ്യേറ്റം ചെയ്യുകയായിരുന്നു.

Read Also: ഒട്ടും പിന്നിലല്ല, മുന്നിൽ തന്നെ; ആഡംബര കാർ വിൽപനയിൽ ഞെട്ടിച്ച് കേരളം…

ഇത് കണ്ട് പരിഭ്രാന്തനായ പട്ടി ചങ്ങലപൊട്ടിച്ച് ഓടിപ്പോയി. അലഞ്ഞ് തിരിഞ്ഞ് അവശനായ നായ തൊട്ടടുത്ത ദിവസമാണ് തിരികെയെത്തുന്നത്.

ഈ കേസിലാണ് നിലവിൽ പട്ടിയുടെ ഉടമയ്ക്ക് അനുകൂലമായി വിധി വന്നിരിക്കുന്നത്.

Story Highlights: cat owner fined for assaulting dog owner