വൃദ്ധിമാൻ സാഹ ത്രിപുരയ്ക്ക് വേണ്ടി കളിച്ചേക്കുമെന്ന് സൂചന

ബംഗാൾ വിക്കറ്റ് കീപ്പർ ബാറ്റർ വൃദ്ധിമാൻ സാഹ വരുന്ന സീസണുകളിൽ ത്രിപുരയ്ക്ക് വേണ്ടി കളിച്ചേക്കുമെന്ന് സൂചന. ഉപദേശകനായും താരമായും കളിക്കാനാണ് സാഹയുടെ ലക്ഷ്യം. ബംഗാൾ ക്രിക്കറ്റ് അസോസിയേഷനുമായുള്ള അഭിപ്രായ വ്യത്യാസങ്ങളെ തുടർന്നാണ് താരം ടീം മാറാനൊരുങ്ങുന്നത്.

“ത്രിപുരക്ക് വേണ്ടി ഉപദേശകനായും താരമായും കളിക്കാനാണ് സാഹയുടെ ലക്ഷ്യം. ത്രിപുര ബോർഡ് അംഗങ്ങളുമായി താരം ചർച്ചകൾ നടത്തുന്നുണ്ട്. പക്ഷേ, ഒന്നും തീരുമാനിച്ചിട്ടില്ല. ആദ്യം ബംഗാൾ ക്രിക്കറ്റ് ബോർഡും ബിസിസിഐയും സാഹയ്ക്ക് നോ ഒബ്ജക്ഷൻ സർട്ടിഫിക്കറ്റ് നൽകണം.”- അധികൃതരെ ഉദ്ധരിച്ച് എൻഡിടിവി റിപ്പോർട്ട് ചെയ്തു.

Story Highlights: Wriddhiman Saha Tripura team