Advertisement

ലോകത്ത് ഏറ്റവും മികച്ച ജീവിതനിലവാരമുള്ള പട്ടണമായി വിയന്ന

June 23, 2022
2 minutes Read
Most Liveable City vienna
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

ലോകത്ത് ഏറ്റവും മികച്ചജീവിതനിലവാരമുള്ള പട്ടണമായി ഓസ്ട്രിയൻ തലസ്ഥാനമായ വിയന്ന. ഏറ്റവുമധികം വാസയോഗ്യമായ പട്ടണങ്ങളുടെ പട്ടികയിൽ യുക്രേനിയൻ തലസ്ഥാനമായ കീവ് ഇത്തവണ ഉൾപ്പെട്ടില്ല. റഷ്യൻ പട്ടണങ്ങളായ മോസ്കോയും സെൻ്റ് പീറ്റേഴ്സ്ബർഗും റാങ്കിംഗിൽ പിന്നാക്കം പോയി. സെൻസർഷിപ്പും യുക്രൈൻ അധിനിവേശവുമാണ് കാരണം. (Most Liveable City vienna)

ന്യൂസീലൻഡിലെ ഓക്ക്‌ലൻഡായിരുന്നു കഴിഞ്ഞ തവണത്തെ പട്ടികയിൽ ഒന്നാമത്. എന്നാൽ, പുതിയ പട്ടികയിൽ ഓക്ക്‌ലൻഡ് 34ആം സ്ഥാനത്താണ്. സ്ഥലത്തെ കൊവിഡ് നിയന്ത്രണങ്ങളാണ് ഓക്ക്‌ലൻഡിനെ പട്ടികയിൽ താഴേക്ക് ഇറക്കിയത്. കഴിഞ്ഞ വർഷത്തെ പട്ടികയിൽ 12ആം സ്ഥാനത്തായിരുന്നു വിയന്ന. 2018, 19 വർഷങ്ങളിൽ വിയന്ന ഒന്നാമതായിരുന്നു.

Read Also: രാജ്യത്ത് റഷ്യൻ സംഗീതം നിരോധിച്ച് യുക്രൈൻ

പട്ടികയിലെ ആദ്യ 10 സ്ഥാനങ്ങളിൽ ആറിലും യുറോപ്യൻ പട്ടണങ്ങളാണ് ഉൾപ്പെട്ടിരിക്കുന്നത്. ഡെന്മാർക്ക് തലസ്ഥാനമായ കോപ്പൻ ഹേഗനും സ്വിറ്റ്സർലൻഡ് പട്ടണമായ സൂറിച്ചും രണ്ട്, മൂന്ന് സ്ഥാനങ്ങളിലാണ്. സ്വിറ്റ്സർലൻഡിലെ മറ്റൊരു പട്ടണമായ ജനീവ ആറാമതുണ്ട്. കാനഡയിലെ മൂന്ന് നഗരങ്ങൾ ആദ്യ പത്തിലുണ്ട്. കാൽഗരി സൂറിച്ചുമായി മൂന്നാം സ്ഥാനം പങ്കിടുമ്പോൾ വാൻകൂവർ അഞ്ചാമതും ടൊറൻ്റോ എട്ടാമതുമാണ്. ജർമനി നഗരം ഫ്രാങ്ക്‌ഫർട്ട് ഏഴാമതും നെതർലൻഡ് തലസ്ഥാനം ആംസ്റ്റർഡാം 9ആമതുമാണ്. ജപ്പാൻ നഗരം ഒസാക്കയും ഓസ്ട്രേലിയൻ നഗരം മെൽബണും 10ആം സ്ഥാനം പങ്കിടുകയാണ്.

ഫ്രാൻസ് തലസ്ഥാനമായ പാരിസ് പട്ടികയിൽ 19ആമതാണ്. ഇംഗ്ലണ്ട് തലസ്ഥാനമായ ലണ്ടൻ 33ആമതാണ്. സ്പെയിൻ നഗരങ്ങളായ ബാഴ്സലോണ 35ആമതും മാഡ്രിഡ് 43ആമതുമുണ്ട്. അമേരിക്കൻ നഗരമായ ന്യൂയോർക്ക് 51ആമതും ചൈന തലസ്ഥാനം ബീജിങ് 71ആമതും എത്തി.

Story Highlights: Most Liveable City vienna

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement