Advertisement

ലോകത്തിലെ ഏറ്റവും പ്രായം ചെന്ന ഭീമന്‍ പാണ്ട ‘ആന്‍ ആന്‍’ ഓര്‍മയായി

July 23, 2022
3 minutes Read
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

മനുഷ്യരുടെ സംരക്ഷണയിലുള്ള ലോകത്തിലെ ഏറ്റവും പ്രായം ചെന്ന ഭീമന്‍ പാണ്ട ഓര്‍മ്മയായി. 38 വയസുകാരനായ ആന്‍ ആന്‍ ആണ് ഓര്‍മയായത്. ഭീമന്‍ പാണ്ടകള്‍ 35 വയസുവരെ ജീവിക്കുന്നത് മനുഷ്യന്‍ 105 വയസുവരെ ജീവിക്കുന്നതിന് തുല്യമാണ്. (World’s oldest male giant panda in captivity dies in Hong Kong zoo)

ഹോങ് കോങ്ങിലെ ഓഷ്യന്‍ പാര്‍ക്കിലായിരുന്നു ആന്‍ ആന്‍ ഉണ്ടായിരുന്നത്. ലോകത്തിലെ വിവിധ കോണുകളില്‍ ആന്‍ ആനിന് ആരാധകരുണ്ടായിരുന്നു.1999ലാണ് ആന്‍ ആന്‍ ഓഷ്യന്‍ പാര്‍ക്കിലെത്തുന്നത്. കഴിഞ്ഞ കുറച്ചുദിവസമായി പാണ്ട വല്ലാതെ ക്ഷീണിതനായിരുന്നെന്നും ഖര രൂപത്തിലുള്ള ഭക്ഷണങ്ങള്‍ കഴിക്കുന്നത് പൂര്‍ണമായി അവസാനിപ്പിച്ചിരുന്നെന്നും പാര്‍ക്ക് അധികൃതര്‍ പറഞ്ഞു. പിന്നീട് ആന്‍ ആന്‍ തീരെ അവശനായതിനെത്തുടര്‍ന്ന് ദയാവധം ചെയ്യുകയായിരുന്നു.

ആന്‍ ആനിനേയും ഇണയായ ജിയ ജിയയേും ചൈനീസ സര്‍ക്കാരാണ് പാര്‍ക്കിന് സമ്മാനിച്ചിരുന്നത്. ചൈനയില്‍ സ്‌നേഹത്തിന്റേയും സൗഹൃദത്തിന്റേയും പ്രതീകമായാണ് ഭീമന്‍ പാണ്ടകള്‍ അറിയപ്പെടുന്നത്.

Story Highlights: World’s oldest male giant panda in captivity dies in Hong Kong zoo

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement